Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-daǵy órtke baılanysty shuǵyl jeli iske qosyldy

2021 jyldyń 10 mamyr 2021 21:21

NUR-SULTAN. QazAqparat – Shyǵys Qazaqstannyń Rıdder qalasynyń mańyndaǵy órtke baılanysty oblystyq departament janynan shuǵyl telefon jeli iske qosyldy, dep habarlaıdy QazAqparat tilshisi.

«Qazirgi ýaqytta órt ornynda jergilikti atqarýshy organdardyń, ShQO TJD Órt sóndirý bólimsheleriniń jáne orman sharýashylyǵynyń jeke quramynan 208 adam jáne 47 birlik tehnıka jumys istep jatyr. Órtke oranǵan aýmaq 310 gektarǵa jetti. Saldarynan 35 úı men 9 sharýashylyq qurylys búlingen. Jumyldyrylǵan jumys kúshi men tehnıka órtti aýyzdyqtaýǵa jetkilikti. Oqıǵa ornyna qosymsha 3 avtotsısterna men 15 qutqarýshy bara jatyr. Qajet bolǵan jaǵdaıda kómekke qosalqy tehnıka tartylady», - deıdi Tótenshe jaǵdaılar mınıstrliginiń resmı ókili Talǵat Ýálı.




Oblystyq tótenshe jaǵdaılar departamentiniń janynan qurylǵan shuǵyl jelige turǵyndar 8(7232) 55-38-19 nómiri boıynsha júgine alady. Atalǵan jeli arqyly órtten zardap shekender men olardyń jaqyndaryna psıhologtar kómek kórsetedi. Sondaı-aq, Talǵat Ýálı oblystyq departament bazasynda osy oqıǵa boıynsha daǵdarys ortalyǵynyń jedel shtaby qurylǵanyn málim etti.












Joǵary qaraı