Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-daǵy sharýa qojalyǵynda iri órt boldy

2020 jyldyń 26 qazan 2020 10:36

ÓSKEMEN. QazAqparat – Shyǵys Qazaqstan oblysy Borodýlıha aýdanyndaǵy sharýa qojalyǵynyń aýmaǵynda órt shyqty, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 25 qazanda saǵat 00.53-te Shelehovo aýylyndaǵy sharýa qojalyǵynyń órtengeni týraly habar túsken. Órt sóndirýshiler oqıǵa ornyna kelip jetkende 100 tonna shóp janyp jatty. Qyzyl jalyn lezde qoranyń aǵash qurylymdaryna tarap ketken.

Tilsiz jaýdy aýyzdyqtaýǵa eki órt sóndirý kóligi men jeke quramnan segiz adam, sonymen qatar traktor jáne sharýa qojalyǵyndaǵy bes jumysshy jumyldyryldy. Órttiń jalpy aýdany 600 sharshy metrdi quraǵan. Osy kezde qorada 15 sıyr, eki jylqy jáne eki traktor bolǵan.

Órt sóndirýshiler kelgenge deıin qojalyq ıeleri jeti sıyrdy, al qutqarýshylar eki traktordy shyǵaryp úlgerdi. Alaıda eki jylqy men segiz bas iri qara órtenip ketti. Tilsiz jaýdyń shyǵý sebebi – qasaqana órt qoıýdan bolýy múmkin», - dep habarlady oblystyq TJD.


Joǵary qaraı