Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-daǵy túrli nysandarda órt qaýipsizdigi erejesin buzýdyń 11 myń faktisi tirkeldi

2022 jyldyń 28 qańtar 2022 15:07

ÓSKEMEN. QazAqparat – Shyǵys Qazaqstan oblysyndaǵy túrli nysandarda órt qaýipsizdigi erejesin buzýdyń 11 myń faktisi tirkeldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, mamandar órt shyǵý qaýpi bar nysandarǵa únemi tekserý júrgizýde.

«Bir jyl ishinde 1860 obekt muqııat tekserildi. Onyń ishinde jospardan tys tártipte 1491 órt-tehnıkalyq tekserý júrgizilgen. Nysandarda órt qaýipsizdigi erejelerin buzýdyń 11 myńnan astam faktisi tirkeldi. Jiberilgen buzýshylyqtar úshin 2443 adam ákimshilik jaýapkershilikke tartyldy. Jalpy somasy 20 mln teńgeden astam 278 aıyppul salynǵan», - dedi oblystyq TJD Memlekettik órt baqylaý basqarmasynyń bastyǵy Serik Amangeldın.




Sondaı-aq tilsiz jaýdyń aldyn alý maqsatynda mamandar shaǵyn kásipkerlik obektilerine 790 aqparattyq jáne usynymdyq hattar jibergen. Bıznes ókilderiniń qatysýymen 132 dóńgelek ústel uıymdastyryldy.








Joǵary qaraı