Aýa raıy
Astana 8 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

ShQO-daǵy jol apaty: 1 adam qaza taýyp, 3 adam zardap shekti

2020 jyldyń 7 tamyz 2020 15:29

ÓSKEMEN. QazAqparat – Shyǵys Qazaqstan oblysy Glýbokoe aýdanyndaǵy tasjolda kele jatqan kólik aýdarylyp ketken, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetinshe, oqıǵa 6 tamyz kúni saǵat 16.00-de Ýshanov aýylyna kireberiste oryn alǵan.

«Daewoo Nexia kóligin mas kúıinde aıdap kele jatqan 36 jastaǵy er adam rýlge ıe bola almaı qalǵan. Sonyń saldarynan kólik elektr baǵanasyna soǵylyp, aýdarylyp ketti. Jol-kólik oqıǵasynan aýyr jaraqat alǵan 54 jastaǵy áıel sol jerde kóz jumǵan. Zardap shekken 3 jolaýshyǵa ambýlatorlyq em taǵaıyndaldy», - delingen vedomstvo málimetinde.

Jol apatynan keıin júrgizýshi oqıǵa ornynan izin sýytqan. Dese de polıtsııa qyzmetkerleri ony kóp uzamaı qolǵa túsirdi. Qazirgi ýaqytta atalǵan fakti boıynsha QR Qylmystyq kodeksiniń 345-baby 3-bóligimen jáne 347-babymen sotqa deıingi tergeý amaldary júrgizilýde.


Joǵary qaraı