Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-ǵa jyl sońyna deıin Pfizer vaktsınasy jetkiziledi

2021 jyldyń 13 qazan 2021 10:28

ÓSKEMEN. QazAqparat – Shyǵys Qazaqstan oblysyna osy jyldyń sońyna deıin Pfizer vaktsınasy jetkizilmek, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, búginde óńir jurtshylyǵynyń 78,9 paıyzy koronavırýsqa qarsy ekpeniń 1-shi komponentin saldyrdy. Al halyqtyń 64,9 paıyzy vaktsınanyń eki komponentin tolyq alǵan.

Oblysta halyqqa vaktsına saldyrý kórsetkishi boıynsha Úrjar (99,1%), Aıagóz (99,1%) jáne Besqaraǵaı (98,9%) aýdandary kósh bastap tur. Al eń sońǵy orynda – Shemonaıha aýdany (66,2%).

«2021 jyldyń sońyna deıin aımaqqa Pfizer vaktsınasy jetkiziledi. Alaıda ázirge naqty qansha doza ekeni belgisiz. Bul vaktsına óte sýyq temperatýrada saqtalýy kerek. Sondyqtan ekpeni Óskemen men Semeıdegi Qan ortalyqtarynyń muzdatqyshtaryna ornalastyrý kózdelip otyr», - delingen habarlamada.


Joǵary qaraı