Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO qutqarýshylary otshashý atqan kezdegi qaýipsizdik sharalaryn túsindirdi

2021 jyldyń 9 jeltoqsan 2021 01:34

ÓSKEMEN. QazAqparat – Shyǵys Qazaqstan oblysynyń qutqarýshylary otshashý atqan kezdegi qaýipsizdik sharalaryn túsindirdi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar Jańa jyl qarsańynda otshashýdy qalaı durys atý jáne pırotehnıkany qalaı tańdaý qajettigi týraly aıtyp berdi.

«Dúkenderde pırotehnıkanyń san alýan túri satylady. Otshashý – oıyn-saýyq qana emes, ol úlken qaýip tóndiredi. Sapasyz otshashýlar men azamattardyń qaýipsizdik sharalaryn saqtamaýy saldarynan órt bolyp jatady. Satýshylarǵa ózderi nusqaýlyqtardy oqyp, sodan keıin tutynýshylarǵa paıdalaný erejelerin túsindirýdi usynamyz. Sondaı-aq eshqandaı jaǵdaıda balalarǵa otshashýlar satpaý qajet», - dedi mamandar.

Otshashýdy atý úshin durys oryn tańdaý mańyzdy. Bul keń ári ashyq alań bolýy kerek. 50 metrdeı radıýsta ǵımarattar, kólikter jáne basqa da órtený qaýpi bar obektiler bolmaýy tıis.

«Adamdar otshashýdan keminde 35-50 metr qashyqtyqta turýy qajet. Otshashýdy ǵımarat ishinde jáne úı-jaıda qoldanýǵa tyıym salynady, Qatty jelde de otshashýdy atýǵa tyıym salynady. Atylǵan kezde otshashýdyń ústinen eńkeıip qaraýǵa bolmaıdy. Balalarǵa pırotehnıkany qoldanýǵa qatań tyıym salynǵan, - dedi oblystyq TJD memlekettik órt baqylaý basqarmasynyń bastyǵy Serik Amangeldın.


Joǵary qaraı