Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-nyń birqatar qala, aýdanynda jańa mektepter boı kótermek

2021 jyldyń 16 maýsym 2021 18:40

ÓSKEMEN. QazAqparat – Shyǵys Qazaqstan oblysynyń birqatar qala, aýdanynda jańa mektepter boı kótermek, dep habarlaıdy QazAqparat tilshisi.

2022 jyly Rıdderde 600 oryndyq bilim ordasy paıdalanýǵa beriledi. Semeıdegi Vostochnyı jáne Stepnoe shaǵynaýdandaryndaǵy 1200 jáne 300 oryndyq eki mektep boıynsha jobalyq-smetalyq qujattama daıyn tur.

6 mekteptiń qurylysy «Ár azamatqa laıyqty ómir» atty «Nur Otan» partııalyq baǵdarlamasy aıasynda júzege asyrylýda. Osy oraıda, aımaq basshysy Danıal Ahmetov Shyǵys Qazaqstanda apatty jáne úsh aýysymdy mektepter máselesi tolyǵymen sheshilgenin, al mektep salý qajettiligin naqty qarastyrý úshin aýyldar men kentterdegi oqý oryndarynyń toltyrylýyna sapaly taldaý júrgizý mańyzdylyǵyn atap ótti. Bul jumysqa oblys ákimi bir apta ýaqyt berdi.

«Mundaı taldaý Besterek aýylyndaǵy mekteppen baılanysty qatelikterdi qaıtalamaý úshin jasalady. Onda jap-jaqsy úsh qabatty ǵımarattyń jartylaı bos turǵany anyqtalǵan edi. Bul máseleni zerdeleıtin komıssııaǵa tek qalalar men aýdandardyń ákimderi ǵana emes, bilim, ekonomıka jáne bıýdjettik josparlaý, qurylys basqarmalarynyń ókilderi de kiredi», - dedi aımaq basshysy.




Qazir mektep qurylysynyń birneshe jobasy ázirlenýde. Olardyń ekeýi oblys ortalyǵynda ornalasatyn bolady. Jańa shaǵyn aýdanda bir oqý orny salynady, ekinshisi matematıka páninen daryndy balalarǵa arnalǵan alma-mater bolmaq.

Sondaı-aq jańa mektepter Semeıdegi Qaraǵaıly shaǵyn aýdanynda, Aıagóz qalasynda jáne Ulan aýdany Qasym Qaısenov kentinde paıda bolady. Budan bólek, Ýrýnhaıka aýylynda 80 oryndyq mektep salý jobasyna túzetýler engizilýde. Óıtkeni mektep qurylysynyń quny negizsiz qymbat bolǵan.

Búgingi tańda oblysta aǵashtan jáne samannan turǵyzylǵan 51 mektep bar. Olar qanaǵattanarlyq jaǵdaıda, degenmen jańalaryn salý úshin naqty qaı jerde qajettilik bar ekenin anyqtaý qajet.


Joǵary qaraı