Aýa raıy
Astana 24 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

ShQO polıtseıleri 77 keli esirtki tárkiledi

2019 jyldyń 4 qarasha 2019 21:52

ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri iri mólsherde esirtki saýdalaǵan úsh qylmyskerdi qolǵa túsirdi, dep habarlaıdy QazAqparat tilshisi.

Olardyń birinshisi — 27 jastaǵy Almaty turǵyny. Tártip saqshylary bul qylmyskerdi Ulttyq ulan sarbazdarymen birlesip ustady.

«Kúdikti ustalǵan úıdiń kireberisinen sary tústi konteınerleri bar bes karton qorap tabyldy. Onyń ishindegi jasyl tústi ósimdik tektes zattardyń Almaty turǵynyna tıesili ekeni anyqtalyp otyr. Ol atalmysh zattardy Óskemende ótkizbek bolǵan», – dep málimdedi ShQO Polıtsııa departamentiniń baspasóz qyzmeti.

Dál osy ýaqytta esirtki saýdalaǵan taǵy eki azamat ustaldy. Olardy jumys saparymen Jambyl óńirine barǵan shyǵysqazaqstandyq polıtseıler jergilikti áriptesterimen tize qosyp, qolǵa túsirgenin aıta ketýimiz kerek.

Osylaısha polıtsııa qyzmetkerleri jalpy salmaǵy 77 kelige jýyq «keptirilgen marıhýana» jáne «gashısh» esirtki zattaryn tárkiledi.

Úsh kúdikti ýaqytsha ustaý ızolıatoryna qamaldy. Qazirgi ýaqytta sotqa deıingi tergeý júrgizilýde.

Joǵary qaraı