Aýa raıy
Astana -25 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

ShQO polıtseıleri tórt kúnde 45 mas júrgizýshini ustady

2020 jyldyń 28 qarasha 2020 00:16

ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri tórt kún ishinde 45 mas júrgizýshini ustady, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, óńirde qoǵamdyq qaýipsizdikti qamtamasyz etý, qylmystyń aldyn alý maqsatynda 23-30 qarasha aralyǵynda «Quqyqtyq tártip» jedel aldyn alý sharasy ótkiziledi.

24 qarasha kúni Óskemen qalasyndaǵy Jeńis dańǵylynda polıtsııa qyzmetkerleri «NISSAN LAUREL» avtokóliginiń 25 jastaǵy júrgizýshisin toqtatty. Ol kólikti mas kúıde basqarǵan.

Kelesi kúni saǵat 23.20-da Shemonaıha qalasyndaǵy Povstancheskaıa kóshesinde ishimdik iship alyp «MERCEDES BENZ» kóligin tizgindegen 27 jastaǵy júrgizýshisi ustaldy.

«Aldyn alý sharalarynyń júrgizilip jatqanyna qaramastan aımaq boıynsha mas kúıinde kólik aıdaıtyndar áli de az emes. Nebári 4 kúnniń ishinde 45 mas júrgizýshi ákimshilik jaýapqa tartylǵan», - dedi ShQO PD jergilikti polıtsııa qyzmetiniń bastyǵy Talǵat Nurıev.

Esterińizge sala ketsek, osyǵan deıin Shyǵys Qazaqstanda «Quqyqtyq tártip» jedel aldyn alý sharasynyń birinshi kúninde 1500-den astam ákimshilik quqyq buzý faktisiniń anyqtalǵany habarlanǵan.

https://www.inform.kz/qz/shko-da-bir-kunde-1500-den-astam-akimshilik-kukyk-buzu-faktisi-anyktaldy_a3722849

Joǵary qaraı