Aýa raıy
Astana 24 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

ShQO polıtsııasy jelini shýlatqan toı kortejiniń vıdeosyna qatysty málimdeme jasady

2019 jyldyń 12 qarasha 2019 13:12

ÓSKEMEN. QazAqparat – Semeıde kópir ústinde kóligimen artqa qaraı júrip, jelini shýlatqan jastardyń beınejazbasyna qatysty polıtsııa pikir bildirdi, dep habarlaıdy QazAqparat tilshisi.

Áleýmettik jelide eldi dúrliktirgen vıdeo paıda boldy. Beınejazbadan kórgenimizdeı, qara tústi «BMV H-5» markaly avtokólik júrgizýshisi aspaly kópir ústinde ájeptáýir jyldamdyqpen artqa qaraı júrip barady. Onyń ústine memlekettik tirkeý nomerin alyp tastaǵan. Apattyq shamdaryn jaǵyp, oǵan «jol ashyp» júrgen taǵy bir-eki mashına bar. Al kólikterge baılanǵan túrli-tústi lentalardan bunyń toı korteji ekenin ońaı ańǵarýǵa bolady. Jeli qoldanýshylarynyń biri «Osylardyń kesirinen balam avtobýsta basyn eki ret soǵyp aldy. Ótýge múmkindik bermegendikten, avtobýs júrgizýshisi tejegishti shuǵyl basqan bolatyn» dep pikir qaldyrǵan bolatyn.

Oqıǵanyń Semeı qalasynda bolǵany anyqtalyp otyr. ShQO polıtsııa departamenti jaǵdaıǵa qatysty pikir bildirdi.

– 1 qarasha kúni 102-ge atalmysh oqıǵa týraly habarlaǵan qońyraý kelip tústi. Semeı qalalyq polıtsııa basqarmasynyń qyzmetkerleri oqıǵa ornyna dereý jetip, tártip buzǵandardy ustady. 1993 jylǵy «E» esimdi azamatqa qatysty 595-baptyń 2-tarmaǵy jáne 593 baptyń 1-tarmaǵy boıynsha ákimshilik hattamalar toltyryldy, – dep málimdedi ShQO polıtsııa departamentiniń baspasóz qyzmeti.

Joǵary qaraı