Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

ShQO trassasynda syrt kıimi joq bala tabyldy

2020 jyldyń 30 qarasha 2020 12:38

SEMEI. QazAqparat – Shyǵys Qazaqstan oblysynyń Semeı qalasynda trassadan jasóspirim bala tabyldy, dep habarlaıdy QazAqparat tilshisi.

Semeı qalalyq Polıtsııa basqarmasy baspasóz qyzmetiniń málimetine súıensek, 28 qarashada saǵat 16.28-de «102» arnasyna qońyraý shalǵan turǵyn Qaraǵaıly kóshesinde ornalasqan jańa sport kesheni mańyndaǵy tasjoldyń boıynda syrt kıimsiz ketip bara jatqan jasy 12-ler shamasyndaǵy bala týraly aıtqan.

Anyqtalǵandaı, jetkinshek tserebraldy sal aýrýymen aýyrady. Anasy úı jınap júrgen kezde ol syrtqa shyǵyp ketken.

Semeı qalalyq Polıtsııa basqarmasy bastyǵynyń mindetin ýaqytsha atqarýshy Jandarbek Ahmetjanov balany baıqap qalyp, nemquraılyq tanytpaı polıtsııa habar bergeni úshin V.Dýberbaevaǵa alǵys bildirdi.




«Bizdiń qoǵamda osyndaı jandardyń bar ekendigi qýantady. Balalar – bizdiń bolashaǵymyz. Sol kúni osy jetkinshektiń mańynan qansha kólik ótse de, eshkim toqtamaǵan. Al V.Dýberbaeva adamgershilik tanytyp, oǵan kómekteskisi keldi», - dedi polıtsııa podpolkovnıgi J.Ahmetjanov.





Joǵary qaraı