Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO turǵyndary zańsyz saqtalǵan 100 qarýdy ótkizdi

2022 jyldyń 22 mamyr 2022 20:43

ÓSKEMEN. QazAqparat – Shyǵys Qazaqstan oblysynyń turǵyndary polıtsııaǵa zańsyz saqtalǵan 100 qarýdy ótkizdi, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, óńir boıynsha halyqtan zańsyz saqtalǵan atys qarýyn, oq-dárilerdi jáne jarylǵysh zattardy erikti túrde satyp alý boıynsha arnaıy aktsııa jalǵasyp jatyr.

«25 sáýir kúni bastalǵan aktsııa aıasynda osy kúnge deıin azamattardan 73 ótinish kelip tústi. Olar óz erkimen 100 qarýdy tapsyrǵan. Onyń ishinde 16 oıyq jáne 84 tegis uńǵyly atys qarýy bar», - dedi oblystyq PD bastyǵynyń birinshi orynbasary Eldos Zakımov.

Aktsııa sheńberinde zańsyz saqtalǵan qarý nemese oq-dárileri bar kez kelgen adam ishki ister organdarynyń bólimshesine júginip, qarýdy ótkizgeni úshin aqshalaı syıaqy alady. Qarý-jaraqty óz erkimen tapsyrǵany úshin onyń túri men sanatyna qaraı respýblıkalyq bıýdjetten tólem jasaý kózdelgen. Syıaqy 10-nan 100 AEK-ke deıin, ıaǵnı 30 630-dan 306 300 teńgege deıin jetedi.

QR Qylmystyq Kodeksiniń 287-babyna sáıkes zańsyz saqtalǵan atys qarýyn, oq-dárilerdi nemese jarylǵysh zattardy óz erkimen tapsyrǵan azamattar ákimshilik jáne qylmystyq jaýapkershilikten bosatylady.

Esterińizge sala ketsek, osyǵan deıin Óskemen turǵynynyń atyna 3 mln teńge nesıe rásimdegen alaıaq ustalǵanyn habarlaǵan edik.


Joǵary qaraı