Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO turǵyny 49 jyl boıy qujatsyz ómir súrgen

2022 jyldyń 25 qańtar 2022 18:16

ÓSKEMEN. QazAqparat – Shyǵys Qazaqstan oblysynyń turǵyny 49 jyl boıy qujatsyz ómir súrgen, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary jeke basty kýálandyratyn qujattarsyz turyp jatqan azamattardy tabý boıynsha jumys júrgizýde. Sonyń nátıjesinde, Semeıde 49 jyl boıy qujatsyz ómir súrgen er adam anyqtaldy.

«Óz sózinde ol Qazaqstan Respýblıkasy azamatynyń jeke basyn kýálandyratyn qujatty esh ýaqytta almaǵanyn, tipti týý týraly kýáligi de bolmaǵanyn jetkizgen. Atalǵan azamat Aıagóz aýdanynda dúnıege kelgen. Ata-ájesiniń qolynda tárbıelengen er adam 8 synypty bitirip, Semeı qalasyna kóship kelgen. Qujattardyń joqtyǵy saldarynan ne resmı túrde jumysqa ornalasyp, ne nekege tura almady», - dep habarlady vedomstvo ókilderi.

Kóshi-qon qyzmetiniń mamandary Qazaqstan Respýblıkasynyń azamattyǵyn rastaý jáne jeke kýálikti resimdeý úshin barlyq qajetti qujattardy jınaýǵa kómektesti. Sondaı-aq oǵan týý týraly kýálikti qalpyna keltirýge járdem kórsetildi. Qazirgi ýaqytta er adam kópten kútken qujatty aldy.


Joǵary qaraı