Aýa raıy
Astana -13 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Shoqan Ýálıhanov - 185: Ombylyqtar qazaq ǵalymyn eske aldy

2020 jyldyń 28 qarasha 2020 14:50

OMBY. QazAqparat - Reseıdiń Omby qalasynda Shoqan Ýálıhanovtyń 185 jyldyǵy atap ótildi, dep habarlaıdy QazAqparat Syrtqy ister mınıstrliginiń saıtyna silteme jasap.

Qazaqstannyń Omby qalasyndaǵy konsýldyǵy álemdik ǵylymnyń ataqty ókilderiniń qatarynda laıyqty orny bar uly qazaq zertteýshisi, aǵartýshysy jáne saıahatshysy Shoqan Ýálıhanovtyń týǵanyna 185 jyl tolýyna arnap eske alý aktsııasyn uıymdastyrdy.




Uly ǵalymnyń esimi berilgen kóshedegi dıplomatııalyq ókildik ǵımaratynyń janynda ornalasqan Sh. Ýálıhanovtyń eskertkishine gúl shoqtaryn qoıý rásimi ótti.




Oǵan qatysqandar Sh. Ýálıhanovtyń Qazaqstan men Reseıdiń ǵylymy men mádenıetiniń damýyna baǵa jetpes úles qosqanyn, al onyń esimi eki el arasyndaǵy dostyqtyń sımvolyna aınalyp, álemdik ǵylymnyń kórnekti tulǵalary arasynda laıyqty oryn alatyndyǵyn atap ótti.

Óz kezeginde Konsýldyqtyń basshysy Yrysqalı Dáýrenbek Omby oblysynyń úkimetine uly ǵalymnyń atyn este saqtaǵany jáne osy is-sharany ótkizýge kórsetken qoldaýy úshin rızashylyǵyn bildirdi.

Іs-sharaǵa sondaı-aq Omby oblysy Úkimeti tóraǵasynyń orynbasary, Óńirlik saıasat jáne buqaralyq kommýnıkatsııalar mınıstri Mıhaıl Karakoz, Reseı Syrtqy ister mınıstrliginiń Omby qalasyndaǵy ókildiginiń basshysy Evgenıı Kosıntsev jáne Omby kadet áskerı korpýsynyń bastyǵy, polkovnık Vıacheslav Salıkov qatysty.





Joǵary qaraı