Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shotlandııada jarylys saldarynan eki turǵyn úı qırady

2021 jyldyń 19 qazan 2021 08:57

NUR-SULTAN. QazAqparat – Dúısenbi kúni keshke Shotlandııanyń ońtústik-batysyndaǵy Er qalasynda bolǵan jarylys saldarynan eki turǵyn úı qırady, dep habarlaıdy QazAqparat Daily Express gazetiniń saıtyna silteme jasap.

Basylym saıtynda jarııalanǵan aqparatqa sáıkes, turmystyq gaz jarylǵan bolýy múmkin, al Twitter-de qala turǵyndary jarylys tolqyny jarylys epıtsentrinen birneshe shaqyrym jerde sezilgenin aıtady.

«Biz 18 qazan, dúısenbi kúni jergilikti ýaqyt boıysha saǵat 19:10-da Er qalasynyń Gors-park kóshesindegi úıde bolǵan jarylys týraly habardan keıin oqıǵa ornyna jettik. Shuǵyl qyzmetter de oqıǵa ornyna bardy. Ázirge bul aımaqtan aýlaq bolýdy usynamyz», - delingen Ershır oblysynyń polıtsııasy taratqan habarlamada.

Qalalyq órt sóndirý qyzmeti jarylys bolǵan jerde shyqqan órtti sóndirip jatqanyn habarlady. Jaqyn mańdaǵy úılerdiń turǵyndaryn evakýatsııalaý týraly habarlamalar kelip túsýde.


Basty sózder: Álem, Medıtsına,
Joǵary qaraı