Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shý qalasynda «mektepke bomba qoıyldy» dep ótirik aıtqan jas jigit ustaldy

2021 jyldyń 30 qarasha 2021 18:50

TARAZ. QazAqparat – Jambyl oblysy Shý aýdanynyń polıtseıleri jalǵan lańkesti ustady, dep habarlaıdy QazAqparat.

Shý aýdany polıtsııa bólimine belgisiz tulǵa qońyraý shalyp, Shý aýdany Tólebı aýylynda ornalasqan M.Áýezov atyndaǵy orta mekteptiń ǵımaratynda jarylǵysh qurylǵy ornatylǵanyn, ıaǵnı aldyn ala daıyndalǵan terrorızm aktisi týraly habarlaǵan.

Polıtsııa qyzmetkerleri jedel túrde tıisti shara qoldanyp, mektep ǵımaratynan 300-den astam adamdy evakýatsııalady.

Bul týraly oblystyq polıtsııa departamentiniń baspasóz qyzmeti habarlady.

«Tekserý nátıjesinde jarylǵysh zat anyqtalmady. Polıtsııa qyzmetkerleri jedel izdestirý sharalaryn júrgizý barysynda atalǵan qylmysty jasaǵan Shý aýdanynyń 25 jastaǵy turǵynyn ustady. Atalǵan derek boıynsha QR QK-niń 273 babymen sotqa deıingi tergep tekserý bastaldy»,-delingen vedomstvo habarlamasynda.

Kúdikti kinásin tolyq moıyndap, Shý aýdany ýaqytsha ustaý ızolıatoryna qamaqqa alyndy. Tergeý júrip jatyr.


Avtor Saıa Sembaı
Basty sózder: Mektep, Zań, Jambyl oblysy, Feık, Oqıǵa,
Joǵary qaraı