Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shý vokzalynda qaıyr surap júrgen 9 jasar balanyń máselesin komıssııa qaraıtyn boldy

2021 jyldyń 10 qazan 2021 00:50

ShÝ. QazAqparat - Shý qalasynda kólik polıtseıleri vokzalda qaıyr surap júrgen balaǵa kómek kórsetti, dep habarlaıdy QazAqparat.

Aıta keteıik, eki kún buryn Facebook qoldanýshysy Zarına Moskaý Shý temir jol vokzalynda kishkentaı júdeý balanyń qaıyr surap júrgenin jazǵan bolatyn.

«Shamamen 9 jasar bala «tamaqqa aqsha berińizdershi» dep qaıyr surap júr. Biz oǵan tamaq alyp berdik, bas tartqan joq. Anasy úıinde aýyryp jatyr eken, ógeı ákesi jumysta dedi. Kútim kórmegeni kórinip tur, kıimi kir, óz kıimi emes sııaqty, aıaǵyndaǵy aıaq kıimi úlken. Perronǵa da júgirip shyǵyp ketip júrdi. Bul túrimen bir qaterge ushyramasyn. Oblystaǵy quzyrly organdar nazar aýdarady degen úmittemin» dep jazady Zarına.

Bul jazbaǵa QR Bilim jáne ǵylym vıtse-mınıstri Bıbigúl Asylova jaýap qatyp, balanyń otbasy jaıly aıtyp berdi.

«Sh. esimdi bala túzetý synybynda oqıdy. Qańǵybastyqqa beıim. Jaısyz otbasynan. Bul másele nazarǵa alyndy. Mektep kıim-keshek bergenimen ata-anasy ony satyp jiberedi. Aldaǵy ýaqytta kámeletke tolmaǵandar isi jónindegi oblystyq komıssııa bul balanyń máselesin qaraıdy. Qorǵanshylyq organdary atalǵan otbasymen jumys júrgizedi» dep málim etti vıtse-mınıstr.

Sondaı-aq Shý stansasy jelilik polıtsııa bóliminiń qyzmetkerleri balanyń úıine baryp, anasymen sóılesti.




Olar balanyń anasyna balanyń temir jol boıynda jalǵyz júrýi qaýipti ekenin túsindirip, jetkinshekti nazardan tys qaldyrmaý kerektigin eske saldy.

Sondaı-aq kólik polıtseıleri kómek retinde balanyń otbasyna azyq-túlik, tátti aparyp berdi.


Avtor Janat Qapalbaeva
Basty sózder: Oqýshy, Jambyl oblysy, Oqıǵa,
Joǵary qaraı