Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shýda 9 jasar eki balaǵa jynystyq zorlyq-zombylyq jasady degen kúdikti ustaldy

2022 jyldyń 12 mamyr 2022 23:18

Taraz. QazAqparat – Jambyl oblysynda Shý aýdanynyń 30 jastaǵy turǵyny 9 jastaǵy eki jetkinshekti uzaq ýaqyttan beri zorlap kelgen. Úshinshi synyp oqýshylaryna azǵyndyq jasady degen kúdikti ustalyp, qamaýǵa alyndy, dep habarlaıdy QazAqparat tilshisi.

Aǵymdaǵy jyldyń 6 mamyrynda Shý aýdandyq polıtsııa bólimine 43 jastaǵy jergilikti turǵyn habarlasty. Ol 2022 jyldyń naýryz aıynyń basynda qaraýsyz qalǵan ǵımaratta belgisiz er adamnyń óziniń kámeletke tolmaǵan uly men onymen jasty dosyna qatysty jynystyq sıpattaǵy zorlyq-zombylyq áreketterin jasaǵanyn aıtyp aryzdanǵan.

«Polıtsııa qyzmetkerlerimen jedel-izdestirý is-sharalaryn júrgizý barysynda Shý aýdanynyń 30 jastaǵy turǵyny anyqtalyp, ustaldy.

Atalǵan derek boıynsha QK 121-babynyń 4-bóligimen sotqa deıingi tergeý amaldary bastaldy.

Kúdiktige qatysty Shý aýdandyq sotymen qamaqqa alý túrindegi bultartpaý sharasy qoldanyldy», - delingen polıtsııa departamenti baspasóz qyzmetiniń habarlamasynda.

Búgingi tańda ol boıynsha qajetti saraptamalar taǵaıyndalǵan.

Eske sala keteıik, osyǵan deıin Jambyl oblysy Jýaly aýdanynda avtobýs pen traktor soqtyǵysyp, eki adam qaza tapqanyn jazǵan bolatynbyz. Aýrýhanaǵa 33 adam qaralyp, olardyń úsheýi jansaqtaý bólimine jatqyzylǵan.

jol apatyna túsken Ózbekstan Respýblıkasynda tirkelgen avtobýsta bolǵan jolaýshylar men júrgizýshilerdiń týystary men jaqyndaryna psıhologııalyq kómek kórsetý boıynsha jedel jeli telefondary ashyldy.

Saıa SEMBAI

Joǵary qaraı