Aýa raıy
Astana -21 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Eýropada koronavırýs juqtyrǵandar 5 mıllıonnan asty

2020 jyldyń 22 qarasha 2020 15:35

NUR-SULTAN. QazAqparat - Eýropa elderinde koronovırýs ınfektsııasynyń taralýy tejelmeı tur. Qytaıda da indettiń jańa derekteri tirkelip, saqtyq sharalary kúsheıtilip jatyr, dep habarlaıdy QazAqparat tilshisi.

Shyǵys Eýropada koronavırýstyq ınfektsııany juqtyrǵandar sany 5 mıllıonnan asty. Bul týraly Reuters agenttigi habarlady. Ótken táýlikte Bolgarııa, Polsha, Vengrııa, Slovakııa men Ýkraına sekildi elderde vırýs juqtyrýdyń 82 myńnan astam deregi anyqtaldy. Budan bólek kún saıyn shamamen 1500-deı naýqas baqılyq bolady eken. Al Iranda indettiń keńinen etek jaıýyna baılanysty bılik ókilderi qatań shekteý sharalaryn engizdi. Biraq jergilikti jurt tártipke baǵynbaı jatqan kórinedi. Tegeran kóshelerinde adam qarasy qalyń. Kafe-bar ıeleri de mundaı sharaǵa narazy bolyp otyr.

Qytaıda koronavırýsty juqtyrýdyń jańa derekteri tirkeldi. Naýqastarmen jaqyn qatynasta bolǵan adamdar oqshaýlandyrylyp, tekserýden ótip jatyr. Dárigerler dert qalaı juqqanyn anyqtaýǵa kiristi. Mamandardyń aıtýynsha, kún saıyn vırýsty shetelden ákelip jatqandar bar. Osyǵan baılanysty úkimet shekaradaǵy baqylaýdy kúsheıtti. 46 aılaq pen 66 ótkeldi jaýyp, Qytaı aýmaǵyna zańsyz ótýge jol bermeý úshin kúzet kúsheıtilgen. Elge turýǵa ruqsaty men vızalary bar sheteldikterdiń kelýine salynǵan ýaqytsha tyıym merzimi uzartyldy. Ruqsaty bar adamdarǵa talaptar kúsheıtildi. Endi olar merzimi 48 saǵattan aspaıtyn eki test tapsyrýlary tıis. Bireýi PTR-test, al ekinshisi antıdenelerge saraptama. Qytaıda shetelden aýrýdy juqtyryp kelgen úsh myń alty júzdeı adam anyqtalǵan. Qazan aıynan beri bul kórsetkish artyp keledi. El ishinde de biren-saran adam aýrýdy juqtyrǵan eken. Sondyqtan bılik maska taǵý, qol jýý jáne áleýmettik araqashyqtyqty saqtaýdy jalǵastyra berýdi talap etip otyr.

Gonkong koronavırýstyń tórtinshi tolqynyna jol bermeýdiń qamyna kiristi. Ótken táýlikte qalada vırýs juqtyrýdyń 40-tan astam deregi tirkelgen. 60-y áli rastalmaǵan. Bul týraly jergilikti basylym habarlady. Jeksenbiden bastap Gonkongta jańa shekteý sharalary kúshine enedi. Ol bes kúnge sozylady. Osy ýaqyt aralyǵynda saýyq keshterin uıymdastyrýǵa arnalǵan nysandar jabylady. Erejeni buzǵandar birden jaýapqa tartylady. Olar 6 jarym myń dollar kóleminde aıyppul arqalap, 6 aıǵa deıin bas bostandyǵynan aıyrylady. Jergilikti bıliktiń habarlaýynsha, qalada naýqastar sany artyp barady.

Reseıde keıingi táýlikte koronavırýs juqtyrǵan 24 822 adam anyqtaldy. Infektsııamen kúres jónindegi jedel shtabtyń málimetinshe bul jańa rekord, - dep habarlaıdy RIA Novostı. Bir táýlikte koronavırýstan 467 adam qaıtys bolǵan. Jańa jaǵdaılar Reseıdiń 85 óńirinde tirkelgen. Naýqastardyń tórtten bir bóliginde (5816 adamda) aýrý eshqandaı belgisiz ótip jatyr. Naýqastar sany boıynsha birinshi orynda – Máskeý, 7168 adam. Ekinshi orynda – Peterbýrg, 2476 adam. Podmoskovede – 916 adam anyqtalǵan. Reseı boıynsha naýqastardyń jalpy sany – 2 064 748.

Serbııada koronavırýsty juqtyrǵandar sany 100 myń adamnan asyp ketti. Bul týraly osy eldiń Densaýlyq mınıstri málimdedi. Sońǵy 24 saǵattyń ishinde 18 myń 980 adam vırýsqa test tapsyryp, 6 myń 109-ynan qaterli indet belgisi anyqtalǵan. Ókinishke oraı, 29 naýqas kóz jumǵan. Qazir Serbııada talap qatal. Barlyq oıyn-saýyq oryndary, saýda ortalyqtary men dúkenderi tańǵy 9-da ashylyp, keshki 17:00-de jabylady. Budan basqa el úkimeti syrtta da, ishte de 17:00-den astam adam jınalmaýyn qatań shektegen bolatyn.

Portýgalııada engizilgen tótenshe jaǵdaı rejımi taǵy 15 kúnge uzartyldy. Jaǵdaı jaqsarmasa, shekteý sharalary sozylýy múmkin. Portýgalııa prezıdenti Marselý Rebelý de Soýzanyń aıtýynsha, eldegi tótenshe jaǵdaı rejımin 8 jeltoqsanǵa deıin uzartý týraly sheshim qabyldanǵan. Aýrýhanaǵa jatqyzylǵan naýqastardyń sany osy aıdyń sońyna deıin eń joǵary deńgeıge jetýi múmkin. Bul óte alańdatarlyq jaıt. AQSh-tyń Kalıfornııa shtatynda da osyǵan uqsas jaǵdaı. Mundaǵy bılik vırýstyń taralýyn tejeý úshin shtatta komendanttyq saǵat jarııalady.

Armenııada táýligine orta eseppen 1 jarym myń adam koronavırýs juqtyrady eken. Bul – sońǵy kúnderdegi málimet. Buǵan deıin indet 30 adamnyń ómirin jalmaǵan. Vırýs juqtyrý qarqyny báseńdegen syńaıly, biraq jaǵdaı áli de kúrdeli deıdi mamandar. Ekinshi tolqyn alǵashqysymen salystyrǵanda qatty soqqy boldy. Aýrýhanaǵa jatýǵa uzyn-sonar kezek tur. Órimdeı jastar kóz jumdy. Juqqan indet lezde asqynyp, dárigerlerdiń áli jetpeı jatyr. Kóktemde indet bastalǵanda juqpaly aýrýlar ulttyq ortalyǵy dármensiz kúı keshti. Tósek-oryn jetispedi. Alǵashqy tolqynda aýlaǵa qosymsha korpýs ta turǵyzyldy. Biraq bul da mardymsyz bolyp shyqty. Endi ǵana jaǵdaı turaqtalǵan sııaqty. Qazir bas-aıaǵy 214 naýqas emdelip jatyr. Alaıda bireýi aıyǵyp oryn bosatsa, birden basqasy keledi. Dıagnozy basqa dimkástar múlde bas suǵa almaıdy. Ókinishke qaraı, kovıd jastardy jalmap jatyr. Jastar buryn da aýyratyn, biraq tósekke tańylmaıtyn. Qazir 50-ge jetpeı indetti juqtyryp, basyn kótere almaı qalǵandar óte kóp. Koronavırýstyń órshýine Aremenııadaǵy saıası jaǵdaıdyń da keri áseri bar. El astanasynda kúnde kóshege myńdaǵan adam shyǵady.

Germanııa el azamattaryna BioNTech pen Pfizer kompanııalary birlese ázirlegen koronavırýsqa qarsy vaktsınany salady. Bul jumystar keler jyldyń alǵashqy toqsanyna josparlanǵan. Qazir elde daıyndyq qyzý júrip jatyr. El boıynsha 60 ekpe egý ortalyǵy ashylady. Bılik vaktsınatsııalaý isin jyldamdatý úshin zeınetke shyqqan mamandardy tartý jaǵyn da qarastyryp qoıdy. Jańa dári birinshi kezekte qart kisiler men sozylmaly aýrýlary bar azamattarǵa egiledi. Sodan keıin dárigerler, polıtseıler, órt sóndirýshiler men muǵalimderge salynady. Germanııa vaktsınanyń 200 mln dozasyn satyp alýdy josparlap otyr. Osyǵan baılanysty tońaztqysh shyǵarýshy fırmalar óz ónimderine suranystyń kúrt artqanyn aıtady.


Avtor Álimhan Qanatuly
Basty sózder: Álem, Koronavırýs,
Joǵary qaraı