Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstan men Belarýs ózara tıimdi yntymaqtastyq ornatýda

2021 jyldyń 19 tamyz 2021 14:59

ÓSKEMEN. QazAqparat - Belarýs Respýblıkasynyń Qazaqstandaǵy Tótenshe jáne Ókiletti elshisi Pavel Ýtıýpın ShQO-ǵa jumys saparymen keldi, dep habarlaıdy QazAqparat tilshisi.

- Bul Pavel Ýtıýpınniń Shyǵys Qazaqstan oblysyna alǵashqy sapary. Sapar barysynda ol Semeı qalasynyń ákimi Baqytjan Baıhametovpen kezdesip, Abaıdyń tarıhı-mádenı murajaı-qoryǵyna, «SemAZ» JShS aýyl sharýashylyǵy jáne júk tehnıkasyn óndirýge mamandandyrylǵan kásiporynǵa, «Vostok-Moloko» JShS sút óńdeý kásipornyna jáne «Belorýsskaıa shına» JShS-na bardy. Sonymen qatar óńirdegi belorýs dıasporasymen kezdesý ótkizdi. Oblys ákimdiginde óńir basshylyǵymen jáne aýyl sharýashylyǵy, kásipkerlik vedomstvolarynyń ókilderimen kelissózder júrgizildi, - dep habarlady ShQO Aqparat ortalyǵy.

Elshi oblys ákiminiń orynbasary Erjan Nurbaevpen ekijaqty yntymaqtastyqtyń keń aýqymdy máseleleri boıynsha pikir almasty.




Belarýs dıplomaty Qazaqstanmen aýyl sharýashylyǵy, atap aıtqanda, traktor, kombaın jasaý salasynda tabysty kelisimder bar ekenin atap ótti. Taraptar traktorlarǵa arnalǵan jekelegen agregattardy shyǵarý máselesin talqylady.

Erjan Nurbaev óńirdiń kúnbaǵys tuqymyn jáne sút óndirý boıynsha birinshi orynda, et óndirýde ekinshi orynda ekenin jetkizdi. Sondyqtan birlesken jobalardy iske asyrýdyń erekshe máni bar.




- Belarýs elshisi Pavel Ýtıýpın Mınsk avtokólik zaýytynan Tótenshe jaǵdaılar departamentterin qaıta jaraqtandyrýǵa arnalǵan zamanaýı órt sóndirý tehnıkasyn jetkizý máselesi boıynsha Qazaqstanmen belsendi yntymaqtastyqta ekenin jetkizdi. Osyǵan baılanysty kásiporyn Shyǵys Qazaqstanda órt tehnıkasyn paıdalaný múmkindikterin qarastyrý úshin kommertsııalyq usynys daıyndady. Budan bólek, taraptar aǵash óńdeý óndirisi men týrızm salasyndaǵy ózara is-qımyldy talqylady. Dıplomattar Shyǵys Qazaqstan, Mogılev jáne Brest oblystary arasyndaǵy yntymaqtastyq boıynsha jol kartasyn jasaýǵa kelisti. Kezdesý sońynda eki jaq ta ózara tyǵyz qarym-qatynastyń odan ári damýyna, tıimdi jańa jobalardyń iske asyrylýyna senim bildirdi, - delingen málimette.


Joǵary qaraı