Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstan oblysynda 1 qarashadan bastap blokpostar qoıylady

2020 jyldyń 29 qazan 2020 15:13

ÓSKEMEN. QazAqparat – Shyǵys Qazaqstan oblysynda 1 qarashadan bastap blokpost qoıylady, dep habarlaıdy QazAqparat tilshisi.

ShQO taýarlar men qyzmetterdiń sapasy men qaýipsizdigin baqylaý departamenti basshysynyń mindetin atqarýshy Talǵat Tuńǵyshbaevtyń aıtýynsha, bir táýlik ishinde óńirde koronavırýs ınfektsııasyn juqtyrýdyń 139 jaǵdaıy tirkeldi. Osylaısha 100 myń turǵynǵa shaqqandaǵy kórsetkish jalpy respýblıkalyq deńgeıden asyp, 683,6 qurap otyr.

«Oblystaǵy epıdemıologııalyq jaǵdaıdyń nasharlaýynyń negizgi sebepteri – turǵyndar men kásipkerlik sýbektileriniń epıdemııaǵa qarsy shekteý sharalaryn saqtamaýy, sondaı-aq kórshiles elderden keletin jolaýshylar men taýar tasymalynyń kóptigi. Osyǵan baılanysty Qazaqstan Respýblıkasynyń Úkimetimen kelise otyryp, 1 qarashadan bastap aımaq shekarasyna blok-beketter qoıylady. Óńir basshylyǵy kúsheıtilgen karantın kezinde oblys halqynyń qalypty tynys-tirshiligin qamtamasyz etý úshin barlyq qajetti sharany qabyldaıdy», - dedi Talǵat Tuńǵyshbaev.

Onyń aıtýynsha, aldaǵy ýaqytta kásiporyndar, azyq-túlik dúkenderi, dárihanalar, bankter, HQKO-lar jumys isteı beredi.

«Biz bıznesti engizilgen karantındik sharalardyń saldarynan barynsha qorǵaýǵa tyrysamyz. Jańa qaýly jaqyn arada jarııalanady», - dedi departament basshysynyń mindetin atqarýshy.

Esterińizge sala ketsek, osyǵan deıin ShQO-da 28 qazannan bastap birqatar shekteýler engizilgeni habarlanǵan.


Joǵary qaraı