Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstan oblysynda 2 adam sýǵa ketti

2021 jyldyń 17 maýsym 2021 22:38

ÓSKEMEN. QazAqparat – Shyǵys Qazaqstan oblysynda eki adam sýǵa batyp ketti, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, 17 maýsym kúni eki birdeı qaıǵyly jaǵdaı bolǵan.

«Kúrshim aýdanyndaǵy Zaısan kólinde 1995 jylǵy jigit sýǵa ketti. Qaıyq aýdarylyp túskende ol júze almaǵandyqtan sýdan shyǵa almaı qalǵan. Ekinshi oqıǵa Shemonaıha aýdanynda boldy. 14 jastaǵy jasóspirim dostarymen birge tereńdigi 1 metr 20 santımetrge jetetin karerge jınalyp qalǵan qar sýyna shomylyp júrgen. 2 metrdeı bıiktikten sýǵa sekirgen bala júzip shyǵa almaı qalyp, sol jerde jantásilim etti», - dep habarlady vedomstvo ókilderi.

Osy rette departament mamandary óńir jurtshylyǵyna arnaıy jabdyqtalmaǵan sý aıdyndarynda shomylýdan aýlaq bolýǵa shaqyrady.





Joǵary qaraı