Shyǵys Qazaqstan oblysynda mádenıet úıi órtendi
ÓSKEMEN. QazAqparat – Shyǵys Qazaqstan oblysy Úrjar aýdanynda ekiqabatty mádenıet úıi ǵımaratynda órt shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 1 jeltoqsan kúni tańerteń Segizbaı aýylyndaǵy mádenıet úıin qyzyl jalyn sharpyǵan. Órt sóndirýshiler oqıǵa ornyna jetken kezde aǵash shatyr qurylymdary órtenip jatty.
«50 mınýt ishinde jalpy aýdany 160 sharshy metrdi quraǵan tilsiz jaý aýyzdyqtaldy. Aldyn ala málimet boıynsha órttiń shyǵýyna peshti ornatý jáne paıdalaný kezindegi órt qaýipsizdigi erejeleriniń saqtalmaýy sebep bolýy múmkin», - dep habarlady vedomstvo ókilderi.
Osy rette, TJ departamenti óńir turǵyndaryna órt qaýipsizdigi talaptaryn saqtap, barynsha abaı bolý kerektigin eskertedi.
