Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda 13 sanıtarlyq post qoıylmaq

2020 jyldyń 30 qazan 2020 12:31

ÓSKEMEN. QazAqparat – Shyǵys Qazaqstan oblysynda 1 qarashadan bastap 13 sanıtarlyq post qoıylady, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń 27 qazandaǵy №23 qaýlysyna ózgerister engizildi. Qujatta jazylǵandaı, qala jáne aýdan ákimderine densaýlyq saqtaý basqarmalarynyń, memlekettik kirister departamentiniń, polıtsııa departamentiniń, taýarlar men qyzmetterdiń sapasy men qaýipsizdigin baqylaý basqarmalarynyń basshylary aımaq shekarasyndaǵy 13 sanıtarlyq posttyń jumysyn qamtamasyz etýi kerek.

«Sanıtarlyq posttar Almaty (1), Qaraǵandy (1), Pavlodar (2) oblystarynda, Qazaqstan Respýblıkasynyń memlekettik shekarasy arqyly ótetin joldardaǵy «Aýyl», «Ýba» ótkizý pýnktterinde (Shemonaıha aýdanynda – 1, Borodýlıha aýdanynda – 1) jáne Óskemen qalasynda (7) qoıylady. Posttardyń jumys rejımi men merzimi COVID-19 ınfektsııasynyń taralýy boıynsha sanıtarlyq-epıdemıologııalyq ahýalǵa sáıkes ózgertilýi múmkin», - delingen qaýlyda.

Dese de oblys turǵyndary Óskemennen basqa aýdan-qala aralyǵynda esh kedergisiz júre alady. Al elimizdiń basqa aımaqtarynda vahtalyq ádispen jumys isteıtin óńir azamattary bes kún buryn jumys berýshiniń qarajaty esebinen COVID-19-ǵa synama tapsyrýy tıis.

Sonymen qatar, ǵımarat pen úıdi jalǵa alyp, merekelik jáne otbasylyq is-sharalar ótkizýge tyıym salyndy.

Esterińizge sala ketsek, osyǵan deıin Shyǵys Qazaqstanda 1 qarashadan bastap blokpostar qoıý josparlanyp otyrǵandyǵy habarlanǵan.


Joǵary qaraı