Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shyǵys Qazaqstanda 26 jyl buryn jasalǵan qylmys ashyldy

2022 jyldyń 25 mamyr 2022 11:27

ÓSKEMEN. QazAqparat – Shyǵys Qazaqstan oblysynda osydan 26 jyl buryn jasalǵan qylmys ashyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, aǵa tergeýshi Aıdana Serikova 1996 jyly Rıdder qalasynda adam óltirgen qylmyskerdi anyqtaǵan.

Sondaı-aq ol is materıaldaryn zerdeleý kezinde qaza bolǵan azamattyń sonaý jyldary Reseı Federatsııasyndaǵy qyzy men áıeline joldamaq bolyp, jiberýge úlgermegen hattaryn tapty. Saqshy bir aıdyń ishinde marqumnyń týystaryn taýyp, olarǵa sol hattardy joldady.

«Osylaısha, kúıeýdiń áıeline, ákeniń qyzyna joldaǵan hattary 26 jyldan keıin oqyldy. Bul jańalyqqa qýanǵan olar kózderine jas alyp, polıtsııa qyzmetkerine zor alǵystaryn jetkizdi. Tergeýshiniń jumysy isterdi tergeý jáne protsestik sheshimder qabyldaý kezinde obektıvtilik pen salqyndyqty talap etedi. Alaıda bul hatta bir kisiniń ómir tarıhy, qyzy men jaryna degen mahabbaty men olarǵa jetkize almaǵan saǵynysh sezimi jazylǵandyqtan, tergeýshi ony joıyp jibere almady», - delingen aqparatta.

Esterińizge sala ketsek, osyǵan deıin Shyǵys Qazaqstanda brakonerlerden 220 keliden astam balyq tárkilengenin habarlaǵan edik.


Joǵary qaraı