Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda 3 adam sýǵa batyp ketti

2021 jyldyń 20 shilde 2021 13:28

NUR-SULTAN. QazAqparat - Shyǵys Qazaqstan oblysynda belgilenbegen jerde sýǵa shomylǵan úsh adam qaıtys boldy, dep habarlaıdy QazAqparat oblystyq TJD baspasóz qyzmetine silteme jasap.

Shyǵys Qazaqstanda shomylý maýsymynyń qaıǵyly statıstıkasy jańa tragedııalarmen tolyqty. Barlyq jaǵdaılar jabdyqtalmaǵan jaǵajaılarda boldy, ol jerlerde shomylýǵa ruqsat berilmegen jáne qutqarýshylar kezekshilik etpeıdi.

17 shilde kúni Buqtyrma sý qoımasynyń Qyzyl Tý ótkeli aýdanynda 1981 jyly týǵan er adam sýǵa batyp ketti.

18 shilde kúni Altaı aýdanynda, Buqtyrma sý qoımasynyń jabaıy jaǵajaıynda 17 jastaǵy jigit sýǵa batyp ketti. Qazirgi ýaqytta jedel-qutqarý jasaǵynyń qyzmetkerleri sýǵa batyp ketken adamdy izdestirýde. Іzdeý jumystaryn sýdaǵy shópterdiń kóp bolýy qıyndatýda.

19 shildede Tómengi Taıynty aýylynda 2006 jyly týǵan jasóspirim jabdyqtalmaǵan jerde sýǵa batyp ketti.

Tótenshe jaǵdaılar departamenti oblys turǵyndary men qonaqtaryna mynany eskertedi:

-demalysta ózińizge jáne jaqyndaryńyzǵa óte muqııat bolyńyz jáne sýda júrý erejelerin saqtańyz:

- jabdyqtalmaǵan jerlerde shomylmańyz,

- balalardy qaraýsyz qaldyrmańyz;

- mas kúıinde shomylmańyz.

- belgisiz jerde sýǵa sekirý nemese súńgý qaýipti

- sýda dóreki oıyndarǵa jol bermeńiz. Shomylý kezinde shoshytýǵa, kómek týraly jalǵan sıgnal berýge jáne t. b. bolmaıdy.

- aýa tósenishterinde jáne úrlenetin oıynshyqtarda óte muqııat júzińiz, olardy jel nemese aǵys jaǵadan alys alyp, tolqynmen basyp ketýi múmkin.

- jalǵyz jáne qarańǵy ýaqytta shomylmańyz.

Tótenshe jaǵdaı týyndaǵan kezde «112»nómirine qońyraý shalyńyz.



Joǵary qaraı