Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shyǵys Qazaqstanda 66 jylqy urlaǵan er adam ustaldy

2021 jyldyń 6 jeltoqsan 2021 14:41

ÓSKEMEN. QazAqparat – Shyǵys Qazaqstan oblysy Aıagóz aýdanynda 66 jylqy urlaǵan er adam ustaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, aýdandyq polıtsııa bólimine júgingen azamat belgisiz bireýlerdiń erkin jaıylymnan 66 jylqysyn urlap ketkenin aıtyp aryzdanǵan.

Osynyń saldarynan oǵan 60 mıllıon teńge mólsherinde materıaldyq zalal keldi.

«Jedel ýákilder oqıǵanyń mán-jaıyn anyqtaýǵa kiristi. Sharýager uıaly telefondaǵy mobıldi qosymsha arqyly maldyń qozǵalysyn kez-kelgen ýaqytta onlaın rejımde baqylaýǵa múmkindik beretin JPS elektrondy qurylǵysyn ornatqan. Bul izdeý jumystarynyń oń nátıje berýine óz septigin tıgizdi. Urlanǵan maldyń júrgen jerin baqylaı otyryp, kúdikti retinde Úrjar aýdanynyń 47 jastaǵy turǵyny ustaldy», - dedi oblystyq PD bastyǵy Saǵat Mádıev.

Qazirgi ýaqytta er adam ýaqytsha ustaý ızolıatoryna qamaýǵa alyndy.

QR QK 188-baby 4-bóligi (asa iri kólemde jasalǵan mal urlyǵy) boıynsha sotqa deıingi tergeý amaldary júrip jatyr.


Joǵary qaraı