Aýa raıy
Astana 7 °S
Almaty 21 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda bıyl 3 jańa mektep ashylady

2020 jyldyń 12 tamyz 2020 00:41

ÓSKEMEN. QazAqparat – Shyǵys Qazaqstan oblysynda bıyl bilim berý mekemelerine jóndeý jumystaryn júrgizý úshin 10,9 mlrd teńge bólindi, dep habarlaıdy QazAqparat tilshisi.

Áleýmettik jelidegi tikeleı efır barysynda ShQO ákimi Danıal Ahmetov óńirde mektep pen balabaqsha qurylysynyń qarqyndy túrde júrgizilip jatqanyn aıtty. Osy jyldyń qyrkúıek aıynda 3 jańa mektep qoldanysqa berilmek.

«Uly aqynnyń 175 jyldyǵyna oraı Abaı aýdanynyń Qaraýyl aýylynda Nazarbaev ıntellektýaldyq mektebiniń standarty boıynsha jabdyqtalǵan 300 oryndyq zamanaýı mektep ashylady. Óskemendegi Ahmer aýylynda 1000 oryndyq jańa mektep el ıgiligine beriledi. Sonymen qatar Tarbaǵataı aýdanynyń Aqjar aýylynda 300 oryndyq ınternaty bar 600 oqýshyǵa arnalǵan mektep ashylmaq. Onda az qamtylǵan otbasydan shyqqan jáne oblystyń ózge óńirlerinen kelgen balalar oqıtyn bolady. Bul mektep áskerı baǵytta tálim-tárbıe beredi. Eger nátıjesi oń bolsa, oblystaǵy basqa bilim oshaqtarynda da osy ádis qoldanylmaq», - dedi ol.

Budan bólek, memlekettik-jekeshelik seriktestik aıasynda Óskemende 915 oryndyq 5 balabaqsha ashylady. Atalmysh nysandar Esenberlın, Revolıýtsıonnyı, Baıbatchına, Ótepov kósheleriniń boıynda jáne Ahmer aýylynda boı kóteredi.

«Oblys ortalyǵynda jas tehnıkter stansasynda qaıta qalpyna keltirý jumystary júrgizilgen soń qosymsha bilim berý maqsatynda SMART-ortalyq ashylmaq. Bıyl 423 bilim berý mekemesine aǵymdaǵy jáne kúrdeli jóndeý jumystaryn júrgizý úshin 10,9 mlrd teńge bólindi. Bul ótken jylǵymen salystyrǵanda 5 esege kóp. Qazirde 423 nysannyń 381-de tıisti jóndeý jumystary aıaqtaldy. Al qalǵandary 20 tamyzǵa deıin qoldanysqa beriledi», - dedi Danıal Ahmetov.


Joǵary qaraı