Aýa raıy
Astana 2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda kezekshi synypta oqıtyn 4 bala koronavırýs juqtyrdy

2020 jyldyń 24 qyrkúıek 2020 13:44

ÓSKEMEN. QazAqparat – Shyǵys Qazaqstan oblysyndaǵy Shemonaıha, Kókpekti jáne Altaı aýdandaryndaǵy mektep oqýshylary koronavırýs juqtyrǵan, dep habarlaıdy QazAqparat tilshisi.

ShQO taýarlar men qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, qyrkúıek aıynan bastap óńir mektepterindegi kezekshi synyptardaǵy oqýshylar arasynda koronavırýs juqtyrýdyń 4 jaǵdaıy tirkeldi.

Olar – Shemonaıha aýdanynyń 4-synyp oqýshylary, Kókpekti aýdanynyń 11-synyp oqýshysy jáne Altaı aýdanynyń 2-synyp oqýshysy.

«Koronavırýs ınfektsııasyna shaldyqqan balalar shaǵyn jınaqtalǵan mektepterde oqıdy. Qazirde Shemonaıha, Altaı aýdandaryndaǵy 2 mekteptiń kezekshi synyptary jáne Kókpekti aýdanyndaǵy bir mektep 14 kúnge karantınge jabylǵan. Bilim ordalaryndaǵy koronavırýs ınfektsııasynyń oshaǵy bolǵan synyptardy qashyqtan oqytýǵa aýystyrý týraly qaýly shyqty. Qaýipti dert anyqtalǵan barlyq mektepterde epıdemııaǵa qarsy dezınfektsııalaý sharalary júrgizildi» delingen habarlamada.

Esterińizge sala keteıik, keshe ShQO mektebinde oqýshydan koronavırýs tabylǵany habarlanǵan bolatyn.

Joǵary qaraı