Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shyǵys Qazaqstanda qysqy týrızm qalaı damyp keledi

2022 jyldyń 23 qańtar 2022 14:56

ÓSKEMEN. QazAqparat – Shyǵys Qazaqstan oblysynda qysqy týrızmdi damytý maqsatynda birqatar sharalar atqarylýda, dep habarlaıdy QazAqparat tilshisi.

ShQO týrızm jáne syrtqy baılanystar basqarmasynyń málimetine súıensek, óńirde qysqy týrızmdi damytýdyń múmkinshiligi kóp.

Sebebi oblysta Qazaqstan boıynsha qar jamylǵysy eń uzaq saqtalady. Osylaısha, qysqy týrıstik maýsym 6 aıǵa deıin sozylady.

«Qazirgi ýaqytta bizde taý shańǵysy týrızmi aıtarlyqtaı joǵary deńgeıde damyp kele jatyr. Shańǵy jáne snoýbord áýesqoılary úshin ártúrli qıyndyq sanatyndaǵy betkeıleri bar kóptegen kýrorttar jumys istep tur. Olar tájirıbeli shańǵyshylar men snoýbordshylarǵa jáne áýesqoılarǵa da qolaıly. Bazalar Óskemen men Rıdder qalalarynyń irgesinde ornalasqan», - delingen aqparatta.

Qysqy týrızm basqa aýdandarda da oń qarqynmen damyp keledi.

Zaısan aýdanynda «Aıka» sharýa qojalyǵy ańshylyq týrlaryn uıymdastyrýmen qatar, jyl boıy saýyqtyrý qyzmetterin (pantoterapııa, qymyzben emdeý) kórsetedi.

Katonqaraǵaı aýdanynda 2021 jyly Qaton Qaragai Resort pantymen emdeý ortalyǵy boı kótergen. Ol qys aılarynda da úzdiksiz jumys isteıdi.

Sondaı-aq baza aýmaǵynda týrıster shańǵy teýip, atqa minip, syrǵanaqqa barady.

«Jyl saıyn qysqy týrızm boıynsha arnaıy nusqaýlyq ázirlenedi. Sol arqyly týrıster demalýǵa barýǵa bolatyn oryndardy tańdap, ol jaqqa qalaı jetýge bolatynyn bilip, basqa da qyzyqty aqparattarmen tanysa alady. Óńirge qys kezinde kelýshiler sanyn arttyrý úshin beınerolıkter túsirilip, áleýmettik jelilerde jarııalanýda», - delingen habarlamada.


Joǵary qaraı