Aýa raıy
Astana -26 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda polıtseı bes qabatty úıdiń shatyrynan sekirmek bolǵan azamatty toqtatty

2020 jyldyń 4 tamyz 2020 18:08

ShYǴYS QAZAQSTAN OBLYSY. QazAqparat – Shyǵys Qazaqstan oblysynda polıtseı kóp qabatty úıdiń shatyrynan sekirmek bolǵan 38 jastaǵy azamatty qutqaryp qaldy, dep habarlaıdy QazAqparat tilshisi ShQO polıtsııa departamentiniń baspasóz qyzmetine silteme jasap.

Oqıǵa Glýbokovskıı aýdanynda bolǵan. Táýlik boıy kezekshilikten úıine kelip, demalyp jatqan ınspektor – Beloýsovskıı polıtsııa bólimshesi kezekshilik bóliminiń kezekshisi, polıtsııa kapıtany Suńǵat Tóleevtiń qalta telefonyna áldebireý habarlasqan. Kýágerler polıtsııa turatyn aýdandaǵy kópqabatty úıdiń shatyrynan er adam sekireıin dep turǵanyn habarlaǵan.

«Málimetti birden «102» nómirine jiberip, kóshege shyqtym. Bes qabatty úıdiń shatyrynda er adam otyrǵanyn jáne rasynda sekirýge daıyndalyp jatqanyn kórdim», - deıdi polıtsııa kapıtany.

Polıtseı buryn ýchaskelik ınspektor bolǵan, sondyqtan jergilikti turǵyndy tanıdy. Ol shatyrǵa shyǵyp, er adamdy sózge tartady. Keıin oǵan jaqyndap kelip arqasynan ustap shatyrdyń shetinen tartyp áketedi. Sodan soń ony tómenge túsýine kómektesken.

Er adamnyń ishimdik iship, áıeli jáne anasymen ursysyp qalǵandyqtan qasyndaǵy turǵyn úıdiń shatyryna shyǵyp sekirmek bolǵany anyqtaldy.


Foto ShQO Polıtsııa departamentiniń baspasóz qyzmetinen alyndy


Avtor: Oral Erlanuly

Joǵary qaraı