Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda polıtseıler joǵalǵan bir úıir jylqyny tapty

2021 jyldyń 17 maýsym 2021 23:51

ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri joǵalǵan 39 jylqyny ıesine qaıtardy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, 16 maýsymda Besqaraǵaı aýdandyq polıtsııa bólimine 59 jastaǵy azamat júgingen.

Óz sózinde ol 8-9 maýsym aralyǵynda Cheremýshkı aýylynyń mańyndaǵy jaıylymnan 39 jylqysynyń joǵalyp ketkenin jetkizdi.

Mal ıesine kelgen shyǵyn kólemi 23 400 000 teńgeni quraǵan.

«Belgili bolǵandaı, er adam bir apta boıy maldy óz betimen izdegenimen odan esh nátıje shyqpaǵan. Polıtsııa qyzmetkerleri birden jedel-izdestirý sharalaryna kiristi. Úsh mobıldi top qurylyp, kórshiles Pavlodar oblysyna jol tartqan. Jaqyn mańdaǵy barlyq sharýa qojalyqtary túgel tekserildi. Іzdestirý jumystaryna jergilikti turǵyndar men basqa malshylar da tartylǵan», - dep habarlady vedomstvo ókilderi.

Osynyń nátıjesinde, bir úıir jylqy Grachı aýylynyń mańynan tabyldy.

Mal ıesi óz kezeginde tártip saqshylaryna alǵysyn bildirip, rızashylyǵyn jetkizdi.


Joǵary qaraı