Aýa raıy
Astana -17 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda TÚKSh salasynda 200-den astam joba júzege asty

2020 jyldyń 24 qazan 2020 05:10

ÓSKEMEN. QazAqparat – Shyǵys Qazaqstan oblysynda turǵyn úı-kommýnaldyq sharýashylyq salasynda 200-den astam joba júzege asyrylǵan, dep habarlaıdy QazAqparat tilshisi.

ShQO energetıka jáne turǵyn úı-kommýnaldyq sharýashylyq basqarmasy basshysynyń orynbasary Nurlan Ramazanovtyń aıtýynsha, búgingi tańda óńirde sýmen jabdyqtaý, sý burý jelilerin qaıta qurý jáne aǵymdaǵy jóndeý baǵytynda - 49 joba, jylýmen jabdyqtaý obektileri boıynsha - 18 joba, elektrmen jabdyqtaýda - 5 joba, sondaı-aq abattandyrý boıynsha - 142 joba júzege asyrylýda.

Qazirgi ýaqytta 214 jobanyń 202-si óz máresine jetken.

«Óskemen, Semeı, Altaı qalalarynyń, Aıagóz, Abaı, Tarbaǵataı, Borodýlıha, Shemonaıha, Besqaraǵaı, Jarma jáne Zaısan aýdandarynyń sýmen jabdyqtaý jáne sý burý jelilerine, Aıagóz, Borodýlıha, Katonqaraǵaı, Ulan jáne Altaı aýdandarynyń jylýmen jabdyqtaý jáne jylý jelilerine, Rıdder qalasynda jáne Úrjar, Ulan aýdandarynyń elektrmen jabdyqtaý jelilerine jóndeý jumystary júrgizildi», - deıdi Nurlan Ramazanov.

Sonymen qatar, abattandyrý jumystary da qolǵa alynǵan. Balalar, fýtbol alańdary, hokkeı korttary men vorkaýt alańdary ornatyldy.

Saıabaqtar men skverlerdi kógaldandyrý jáne jóndeý jumystary júrgizildi.

Aıta keteıik, atalǵan jobalardy iske asyrý nátıjesinde 4430 adam jumyspen qamtylǵan.



Joǵary qaraı