Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda tumaýǵa qarsy 90 myńǵa jýyq vaktsına satyp alyndy

2020 jyldyń 20 qyrkúıek 2020 16:00

ShYǴYS QAZAQSTAN OBLYSY. QazAqparat – Shyǵys Qazaqstan oblysynyń ákimi Danıal Ahmetov oblystyń medıtsınalyq mekemeleri kúzgi sýyq tııý maýsymyna daıyn ekenin aıtty, dep habarlaıdy QazAqparat tilshisi ShQO basshysynyń baspasóz qyzmetine silteme jasap.

Ákim koronavırýsqa qatysty shekteýlerdi tolyq alý týraly aıtýǵa áli erte, biraq aralyq qorytyndy týraly aıtýǵa bolatynyn atap ótti.

«Biz qazir qıyn jaǵdaıda turmyz, biraq ony jeńýge bolady. Aldyǵa qoıylǵan talaptardy oryndaý qajet, al olar ońaı emes. Ony oryndaý úshin bir ǵana nárse kerek. Ol - tártip. Men bul qıyndyqtan shyǵatynymyzǵa senemin. ShQO-nyń materıaldyq jaǵynan jabdyqtalýy týraly aıtar bolsam, oblysymyzda salystyrmaly túrde qural-jabdyq jetkilikti. Bir aıdan keıin bizde 8 kompıýterlik tomograf bolady», - dedi D.Ahmetov Glýbokovskıı aýdanyna barǵan jumys saparynda.

Baspasóz qyzmetiniń habarlaıynsha, kúzdiń basy – tumaý, jótel men densaýlyq jaǵdaıynyń nasharlaýymen baılanysty kezeń. Aımaq basshysy qazirgi ýaqytta oblys tumaýǵa qarsy 88 myń vaktsına satyp alǵanyn atap ótti.

«Qazannyń sońyna deıin taǵy 200 myń doza keledi jáne qaýip tobyndaǵylardyń barlyǵy tegin ekpe alady. Biz vırýspen qalaı kúresý keregin bilemiz. Bizdiń medıtsına mekemelerimiz qajetti qural-jabdyqpen qamtamasyz etilgen. Bizge kúzgi kezeńnen ótýge tártip, áleýmettik qashyqtyq pen barlyq sanıtarııa erejelerin saqtaý kómektesedi», - dep qorytyndylady ShQO ákimi.

Avtor: Rýslan Shakabaev


Joǵary qaraı