Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda joǵalyp ketken 11 jasar bala tabyldy

2021 jyldyń 16 maýsym 2021 18:20

ÓSKEMEN. QazAqparat – Shyǵys Qazaqstan oblysy Zaısan aýdanynyń polıtseıleri joǵalǵan jetkinshekti tapty, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna Zaısan aýdany Sarterek aýyldyq okrýgine qarasty «Qyzyl» jer ýchaskesinde 11 jastaǵy balanyń jaıylymǵa ketken maldyń aldynan shyǵamyn dep joǵalyp ketkeni jaıly habar túsken.

«Shuǵyl túrde oqıǵa ornyna jetken aýdandyq polıtsııa bóliminiń jedel-tergeý toby túngi ýaqytqa jáne jer ýcheskesiniń taýly aımaqta ornalasqanyna qaramastan izdestirý jumystaryna kiristi. Qol shamdarynyń kómegimen jaqyn aımaqty, taý-shatqaldardy muqııat qarady. 4 saǵatqa sozylǵan qajyrly izdeý nátıjesinde bala tabylyp, týǵan-týystaryna aman-esen jetkizildi», - dep habarlady vedomstvo ókilderi.

Belgili bolǵandaı, jetkinshek Zaısanda turatyn týǵan-týysqandaryna Qapshaǵaı qalasynan qonaqqa kelgen. Oqıǵa bolǵan kúni bala týystarymen birge Zaısan qalasynan 150 shaqyrym jerde ornalasqan «Qyzyl» jer ýchaskesinde jaılaýǵa maldy kóshirgen. Onyń týǵan-týystary izdeý jumystaryn jedel uıymdastyryp, qyraǵylyq tanytqan tártip saqshylaryna óz alǵystaryn jetkizdi.

Joǵary qaraı