Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda jyl basynan beri 5 bala sýǵa ketken

2021 jyldyń 20 maýsym 2021 01:10

ÓSKEMEN. QazAqparat – Shyǵys Qazaqstan oblysynda jyl basynan beri 5 bala sýǵa batyp ketken, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, sý aıdyndarynyń jaǵalaýlarynda balalardyń ata-analardyń qaraýynsyz qalýy qaıǵyly oqıǵaǵa ákep soǵýy ábden múmkin. Óńirde jyl basynan beri 5 bala sýǵa ketken.

Oblys qutqarýshylary apta saıyn jaǵajaılardy qaraýyldap, shomylýǵa tyıym salynǵan oryndarǵa erekshe nazar aýdarýda. Óskemen qalasynyń qutqarýshylary qaýipti ýchaskelerdi tekserip júrip sý qoımalarynyń jaǵalaýlarynda eresekterdiń qaraýynsyz qalǵan 15 balany tapty. Belgili bolǵandaı, olardyń ata-analary balalarynyń qaıda júrgenin de bilmegen. Departament mamandary balalarǵa qaýipsizdik sharalaryn túsindirip, osy ýchaskelerde shomylmaýǵa, tek arnaıy jabdyqtalǵan jaǵajaılardy tańdaýǵa keńes berdi.

«Balalardyń kópshiligi júze almaıdy. Kóp jaǵdaıda olar tereń, aǵysty qatty sý aıdyndaryna kelip shomylyp jatady. Mundaı oryndarda qutqarýshylar beketi joq. Eger bireý sýǵa batsa oǵan eshkim kómektese almaıdy», - dedi Óskemen qalalyq TJB bastyǵynyń orynbasary Dastan Ahmetov.

Joǵary qaraı