Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstandaǵy Aıagóz qalasynyń ákimi aýysty

2021 jyldyń 19 qazan 2021 18:53

ÓSKEMEN. QazAqparat – Shyǵys Qazaqstan oblysy Aıagóz qalasynyń ákimi bolyp Medet Myrzykeshov saılandy, dep habarlaıdy QazAqparat tilshisi.

Aıagóz aýdandyq saılaý komıssııasynyń qaýlysymen Aıagóz qalasynyń ákimi bolyp Medet Myrzykeshov saılandy.

Medet Nyǵmetollauly 1988 jyly Semeı oblysy Aıagóz aýdany Shynqoja aýylynda dúnıege kelgen. Eki joǵary bilimi bar: 2008-2011 jyldary Semeı qalasy Shákárim atyndaǵy SMÝ ýnıversıtetin bitirgen. 2015 jyly Qaraǵandy ekonomıkalyq ýnıversıtetiniń quqyqtaný mamandyǵyn támamdaǵan.

2008-2012 jyldary Aıagóz qalasyndaǵy 10810 áskerı bólimine kelisim-shart boıynsha jumys istegen. 2012-2013 jyldary «Taskara» áskerılendirilgen taý-ken qutqarý jasaǵynda, 2013-2014 jyldary Sýzdal jedel vzvodynda qutqarýshy boldy.

2014-2016 jyldary Aıagóz aýdanynyń ishki saıasat bóliminiń bas mamany, 2016-2020 jyldary atalǵan bólimniń basshysy bolyp qyzmet etti.

2020 jyldyń mamyr aıynan bastap osy ýaqytqa deıin Aıagóz aýdany ákiminiń orynbasary bolyp eńbek etken.


Joǵary qaraı