Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstannyń shekaradaǵy aýdanynda kópbalaly otbasylarǵa 31 úı salyndy

2021 jyldyń 8 qazan 2021 13:53

ÓSKEMEN. QazAqparat – Shyǵys Qazaqstan oblysy Zaısan aýdanynda «Birqabatty Shyǵys» baǵdarlamasy aıasynda 31 úı boı kóterdi, dep habarlaıdy QazAqparat tilshisi.

Aımaq basshysy Danıal Ahmetov shekara mańyndaǵy aýmaqtardy damytý baǵdarlamasy aıasynda Zaısan aýdanyna jumys saparymen bardy.

Bul jaıynda ol Facebook jelisindegi jeke paraqshasynda jazdy.

«Birqatar memlekettik baǵdarlamalardy jáne oblystyq jobalardy iske asyrýda bul aýdan kósh basynda tur. Jergilikti halyqtyń 80 paıyzdan astamy vaktsına saldyrǵan. Іs-sapar barysynda jańa Arbat pen alleıaǵa baryp, belgili arheolog-ǵalym Ábdesh Tóleýbaevpen birlesip birneshe kóshet otyrǵyzdyq. Aýdan «Birqabatty Shyǵys» baǵdarlamasyn júzege asyrý boıynsha óńirde eń aldyńǵy orynda. Munda 31 eki páterli úı salyndy, oǵan jaqyn arada kópbalaly otbasylar qonys aýdarmaq», - dedi Danıal Ahmetov.

Sonymen qatar bıyl 60 páterli besqabatty úı paıdalanýǵa beriledi. Osyǵan oraı aýdanǵa qansha muǵalim, dáriger jetispeıtini eseptelip, olarǵa osy úıden páter bólinbek.

«Qysqa merzimde jóndeýden ótken Zaısan aýdandyq aýrýhanasynyń fılıalyna bardym. Qazir munda patsıentterge arnalǵan 19 palata bar. Aýrýhanada ınfektsııalyq statsıonar da óz jumysyn bastaıdy. Aldaǵy ýaqytta aýdan basshylyǵy qandaı medıtsınalyq mekemeler aǵymdaǵy nemese kúrdeli jóndeý men jabdyqtarǵa muqtaj ekendigi týraly derekterdi usynýy tıis», - dedi oblys ákimi.


Joǵary qaraı