Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Shymkent áýejaıy 5,2 mlrd teńgeden astam somaǵa saýdaǵa qoıyldy

2020 jyldyń 25 qazan 2020 17:18

NUR-SULTAN. QazAqparat - Elektrondyq saýda alańynda Shymkent áýejaıy 5,2 mlrd teńgeden astam somaǵa aýktsıonǵa shyǵaryldy, dep habarlaıdy QazAqparat tilshisi.

Belgili bolǵandaı, áýejaıdyń bastapqy baǵasy 5 234 000 000 teńge somasynda belgilengen. Kepildik jarna – 785 100 000 teńge. Ótinim qabyldaý bıylǵy 3 qarashaǵa deıin jalǵasady. Saýda-sattyq 3 qarasha saǵat 10:00-de bastalady.

Nysan senimgerlik basqarýǵa beriledi.

Tenderlik sharttarǵa toqtalsaq, senimgerlik basqarýǵa beriletin merzim ishinde nysannyń qyzmet beıinin saqtaý qajet. Osy ýaqyt aralyǵynda kem degende 6 mlrd teńge ınvestıtsııa salynýy tıis. Nysandy azamattyq avıatsııa salasyndaǵy zamanaýı standarttarǵa sáıkestendirý úshin onyń ınfaqurylymyna qarajat quıý talaby qoıylyp otyr.

Munymen qosa, 2021 jyldan bastap jyl saıynǵy taza tabysty 150 mln teńgeden kem emes mólsherde ulǵaıtýmen shyǵynsyz qyzmetti qamtamasyz etý sharty qamtylǵan.

Budan buryn habarlanǵandaı, Parlament Májilisiniń depýtaty Amanjan Jamalov Shymkenttegi áýejaıdyń tenderge túsý zańdylyǵyn tekserýdi talap etti.

Osyǵan deıin atalǵan saýda 8 qazanda bastalýy kerek edi.


Avtor Rýslan Ǵabbasov
Basty sózder: Aımaq, Shymkent, Ekonomıka,
Joǵary qaraı