Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentke ushyp bara jatqan ushaqta jolaýshy áıel kóz jumdy

2021 jyldyń 15 qyrkúıek 2021 13:35

NUR-SULTAN. QazAqparat – QAZAQ AIR áýe kompanııasynyń baspasóz qyzmeti ushaq salonynda áıel jolaýshynyń qaıtys bolǵanyn rastady, dep habarlaıdy QazAqparat tilshisi.

Kompanııa baspasóz qyzmetiniń habarlaýynsha, oqıǵa 14 qyrkúıek kúni Nur-Sultan – Shymkent baǵytyndaǵy reıste bolǵan.

«Ushý kezinde salonnyń ekıpajy jolaýshynyń naýqas jáne shuǵyl kómekke muqtaj ekeni týraly aqparat aldy. Bortserik jolaýshy otyrǵan orynǵa jaqyndaǵanda jolaýshy es-tússiz jatqan. Tekserý kezinde tamyr soǵysy (pýls) men tynys alý belgileri bolǵan joq. Ushaqtyń komandırine málimet berilip, jolaýshylar kómekke shaqyryldy. Jolaýshylar arasynda bolǵan dáriger úndeýge qulaq asyp, nusqaýlyq boıynsha bortserikpen birge júrek-ókpe reanımatsııasyn jasady», - dep baıandaıdy oqıǵa týraly kompanııa.

Aqyry ushaq komandıri jaqyn mańdaǵy áýejaıǵa qoný týraly sheshim qabyldaıdy.

«Ekıpaj áýe dıspetcherleri arqyly jedel járdem shaqyrdy. Jezqazǵan qalasynyń áýejaıyna kelgen dárigerler «ólim» týraly resmı habarlady. QAZAQ AIR jolaýshynyń otbasy men jaqyndaryna qaıǵysyna ortaqtasyp kóńil aıtady», - dep jazady QAZAQ AIR kompanııasynyń baspasóz qyzmeti.


Avtor Esimjan Naqtybaı
Basty sózder: Oqıǵa, Shymkent, Nur-Sultan, Kólik,
Joǵary qaraı