Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte 180 tonnadan astam mazýtty zańsyz satqan JShS dırektory sottaldy

2021 jyldyń 15 qarasha 2021 19:42

ShYMKENT. QazAqparat – Shymkentte 180 tonnadan astam mazýtty zańsyz satqany úshin kásiporyn dırektory sottaldy. Bul týraly QR Qarjylyq monıtorıng agenttiginiń baspasóz qyzmetinen málim etti, dep habarlaıdy QazAqparat.

Agenttikten málim etkendeı, jyl saıyn memleket otyndy zańsyz satýdan mıllıardtaǵan bıýdjet qarajatyn joǵaltady. Qylmys jasaýshylar bıýdjettik tólemder júrgizbeı, ruqsat qujattarynsyz munaı óndirýdiń jáne satýdyń túrli qylmystyq shemalaryn paıdalanady.

Qarjylyq monıtorıng agenttigi osyndaı qylmystyń birin áshkerelegen.

«Agenttiktiń Shymkent qalasy boıynsha aýmaqtyq departamentiniń qyzmetkerleri shyǵý zańdylyǵyn rastaıtyn qujattarsyz 180 tonnadan astam mazýtty satý deregin anyqtady.

«Alma Oil Trading» JShS dırektory J.Naqypov belgisiz tulǵadan mazýt satyp alyp, keıinnen Sarysý aýdany ákimdiginiń turǵyn úı-kommýnaldyq sharýashylyq, jolaýshylar kóligi, avtomobıl joldary jáne turǵyn úı ınspektsııasy bólimine zańsyz satqan.

Barlyǵy 17 mln teńgeden astam somaǵa otyn satyp alyndy», - delingen taratylǵan habarlamada.

JShS dırektory J.Naqypov 3,5 jylǵa shartty túrde bas bostandyǵynan aıyryldy.


Joǵary qaraı