Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte 650 mln teńge salyqty tóleýden jaltarǵan kásipker sottaldy

2021 jyldyń 30 qarasha 2021 17:08

ShYMKENT. QazAqparat - Shymkentte 650 mıllıon teńgege salyq tóleýden jaltarǵan kásipker sottaldy, dep habarlaıdy Qarjylyq monıtorıng agenttigine silteme jasap.

Agenttiktniń Shymkent qalasy boıynsha aýmaqtyq departamenti azamat A.Sazonovtyń bıýdjetke salyq tólemeý deregin anyqtady.

«A.Sazonov «Nuclear Engineering» JShS basshysy bola tura, 2017-2019 jyldar aralyǵynda salyq deklaratsııalaryna kirister men shyǵystar týraly kórineý burmalanǵan derekterdi engizgen. Sonymen birge, ol salyq salýdyń basqa obektilerin jasyryp, qaıta tirkeýi sot jaramsyz dep tanyǵan 11 kompanııamen ózara esep aıyrysý týraly jalǵan shot-faktýralardy paıdalandy», delingen habarlamada.

Nátıjesinde memleketke 657 mıllıon teńgeden astam mólsherde tólenbegen salyqtar túrinde zalal kelgen. A.Sazonov sottalyp, odan zalal somasy óndirildi.

Vedomstvonyń málimdeýinshe, salyq – bul memlekettik bıýdjetke tólenetin mindetti tólem, onyń esebinen memlekettik apparat jumys isteıdi, sondaı-aq halyqty qoldaýǵa baǵyttalǵan áleýmettik baǵdarlamalar iske asyrylady. Alaıda, salyq jarnalaryn tóleýden jaltaryp júrgen josyqsyz kásipkerler de bar.


Joǵary qaraı