Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte №9 emhana bas dárigeri jumysqa turǵyzý úshin qala turǵynynan para alǵan

2021 jyldyń 22 qańtar 2021 22:30

ShYMKENT. QazAqparat - Qabyldanyp jatqan sharalarǵa qaramastan, densaýlyq saqtaý júıesinde sybaılas jemqorlyq faktileri oryn alyp jatyr. Bul jaıynda sybaılas jemqorlyqqa qarsy is-qımyl agenttiginiń Shymkent qalasy boıynsha departamentiniń basshysy Ashat Jumaǵalı brıfıngte aıtty, dep habarlaıdy QazAqparat.

Ótken jyldyń ózinde departament medıtsına qyzmetkerlerine qatysty 12 qylmysty tirkegen.

Densaýlyq saqtaý júıesinde oblystyq balalar aýrýhanasynyń burynǵy bas dárigeri men aýrýhananyń bas býhgalterine qatysty úkim shyqty.

Olar kórsetilgen qyzmetterdiń jalǵan aktileri boıynsha júıeli túrde aqsha jymqyrý shemasyn (25,5 mln teńgeden astam) uıymdastyrǵan.

«Medıtsınalyq qyzmetke taǵaıyndaý úshin №9 qalalyq emhananyń bas dárigeri men fızıoterapevt dárigeri 400 myń teńge para alǵany úshin sottalǵan», - dep atap ótti Ashat Jumaǵalı.

Spıkerdiń aıtýynsha, densaýlyq saqtaý salasyndaǵy sybaılas jemqorlyqtyń aldyn alýǵa beıindi basqarma basshylyǵy men bas dárigerlerdiń ózderi tarapynan jetkilikti kóńil bólinbeýde.

Jemqorlyqqa beıim memlekettik mekemelerdiń birine aınalǵan emhanalar men aýrýhanalar Transparency Kazakhstan zertteýinde de osy saladaǵy jaǵymsyz jaǵdaı týraly aıtylýda. Bul týraly respondentter 100% atap ótti.

«Bul rette keshendi sharalar qabyldaı otyryp, túbegeıli, naqty is-qımyl qajet. Jaǵymsyz jaǵdaıdy ózgertý úshin syrtqy taldaý barysynda anyqtalǵan sybaılas jemqorlyq táýekelderin eskere otyryp, Jol kartasyn ázirleý qajet dep sanaımyz « - dedi ol.


Joǵary qaraı