Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte azyq-túlik baǵasyna baqylaý kúsheıtildi

2022 jyldyń 16 qańtar 2022 14:22

ShYMKENT. QazAqparat – Shymkent qalasynda áleýmettik mańyzy bar azyq-túlik qory men qalypty bólke nan baǵasy turaqty jáne tapshylyq joq.

Búginde qala aýmaǵynda 30 myń tonnaǵa jýyq áleýmettik azyq-túlik taýarlardyń qory bar. Onyń ishinde 5 aıǵa jetetin birinshi surypty un qory jasaqtalǵan – dep habarlaıdy QazAqparat tilshisi.

Megapolıste astyqty qaıta óńdeıtin 10 un óndiretin kásiporyn jumys isteıdi. Olarmen jylyna 200 myń tonna un óndiriledi. Atalǵan dıirmenderde eki aıǵa jetetin shıkizat bar.







Qala ákimi Murat Áıtenov un baǵasynyń kóterilýi nan baǵasynyń ósýine áser etetinin aıtyp, baǵany turaqty ustap turý úshin shetelge eksporttalatyn un kólemin azaıta turýdy aıtty.

Qazirgi tańda qalypty bólke nan baǵasyn turaqtandyrý maqsatynda, naýbaıhanalarǵa turaqtandyrý qorynan áleýmettik baǵada un úlestirilýde.







Sondaı-aq, makaron ónimderi áleýmettik mańyzy bar azyq-túlik taýarlarynyń tizbesine enýine baılanysty, turaqtandyrý qorynyń aınalym qarajaty esebinen atalǵan ónimniń baǵasyn turaqtandyrý sharalary júzege asyrylýda. Bul ónimderdi «Gramad» jáne «Magným» iri saýda jelilerinen belgilengen baǵada satyp alý múmkindigi qarastyrylǵan.







Áleýmettik azyq-túlik baǵasynyń turaqtylyǵyn qamtamasyz etý úshin turaqtandyrý qoryna jergilikti bıýdjetten 7,7 mlrd. teńge bólingenin aıtqan shahar basshysy qalada azyq-túlik baǵasyna baqylaý kúsheıtilgenin jáne baǵany shekti mólsherden asyrǵan kásipkerge ákimshilik jaza qoldanylatynyn eskertti.

Azyq-túlik baǵasy shekti mólsherden asyrylǵan jaǵdaıda turǵyndar arnaıy 24-75-41 telefon nómirine habarlasyp, shaǵym qaldyra alady.

Sondaı-aq, Shymkentte baǵa turaqtylyǵyn saqtaý úshin áleýmettik dúkender sany artýda. Al, ár aptanyń sársenbi, senbi jáne jeksenbi kúnderi qalanyń 4 jerinde jergilikti taýar óndirýshileri men sharýa qojalyqtarynyń qatysýymen bazar narqynan 10-15%-ǵa tómen baǵada azyq-túlik jármeńkeleri uıymdastyrylýda.








Joǵary qaraı