Aýa raıy
Astana 6 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Shymkentte «Baqytyńdy balańnan izde» atty erekshe kezdesý ótti

2019 jyldyń 25 mamyr 2019 18:13

ShYMKENT. QazAqparat - Shymkentte «Baqytyńdy balańnan izde» taqyrybynda jańa formattaǵy ınteraktıvtik kezdesý ótti. «Jastar resýrstyq ortalyǵy» ótken basqosý qalalyq sottyń «Otbasylyq sot» pılottyq jobasynyń aıasynda uıymdastyryldy, dep habarlaıdy QazAqparat tilshisi.

Kezdesýge qalalyq sottyń azamattyq ister jónindegi sot alqasynyń tóraǵasy Muhtar Pármenov pen qoǵam qaıratkeri Orazkúl Asanǵazy, qalalyq, aýdandyq sottardyń tóraǵalary men sýdıalary, Otbasy, balalar jáne jastar isteri jónindegi basqarmasynyń basshysy jáne qala jastary qatysty. Sharada Muhtar Pármenov QR Joǵarǵy Sotynyń bastamasymen respýblıkamyzdyń 4 oblysynda otbasylyq quqyqtardy qorǵaýǵa baǵyttalǵan «Otbasylyq sot» pılottyq jobasy iske qosylǵanyn atap ótti.

«Bul jobanyń mindeti - otbasy janjaldarynyń sebepterin anyqtap, sot protsesiniń barlyq satysynda daýlasýshy taraptarmen tatýlastyrý sharalaryn júrgizý, otbasy quqyqtary men múddelerin, onyń ishinde kámeletke tolmaǵandardyń quqyqtaryn qorǵaýdy qamtamasyz etý. Búginde Eńbekshi aýdandyq sotynyń bazasynda «Otbasylyq sot» pılottyq jobasy júzege asyrylýda. Jarty jyldan beri júzege asyrylyp kele jatqan osy joba qazirgi ýaqytta tıimdiligin kórsete bastady», - dedi alqa tóraǵasy.

Basqosýda Eńbekshi aýdandyq sotynyń sýdıasy Ásem Qaparbekova da statıstıkalyq málimetterge toqtaldy.



null

«2019 jyldyń 1-toqsanynda neke jáne otbasy qatynastaryna qatysty 251 talap aryz túsip, onyń 73-i boıynsha nekeni buzý týraly sot sheshim qabyldanǵan, 37 talap aryz boıynsha taraptardyń tatýlasýyna baılanysty is júrgizý toqtatylǵan. Al 9 talap aryz qaraýsyz qaldyrylǵan. 146 talap aryz boıynsha sýdıa jáne psıhologpen aldyn ala áńgimelesý júrgizildi. ıAǵnı, sotta qaralǵan isterdiń jartysynan astamy boıynsha taraptardyń tatýlasýyna baılanysty is júrgizý toqtatylǵan»,- dedi sýdıa.

Kezdesý barysynda qoǵam qaıratkeri Orazkúl Asanǵazy «Otbasy ómirin qalaı baqytty etýge bolady? Jaqsy jar bolý úshin qandaı qareket qylý kerek? Er men áıeldiń otbasyndaǵy orny qaısy?» degen syndy suraqtardy jastarmen talqylap, barlyǵynyń negizi ulttyq biregeılikte ekenin aıtyp ótti. Ulttyq qundylyqtar negizinde otbasy qurýǵa jáne januıany eshqashan buzbaýǵa shaqyrdy. Bolashaq shańyraq ıelerine qazaqı tárbıeniń mańyzyn túsindirip, básekege qabiletti memleket berik otbasydan bastalatynyn aıtty.




null


null


null

Avtor Aınur Aqbaeva
Basty sózder: Shymkent, Sot,
Joǵary qaraı