Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte bir naýqas Kongo-Qyrym bezgegi kúdigimen aýrýhanada jatyr

2022 jyldyń 17 mamyr 2022 19:16

ShYMKENT. QazAqparat - Shymkentte Kongo-Qyrym gemorragııalyq qyzbasynyń yqtımal jaǵdaı tirkeldi, dep habarlaıdy QazAqparat.

Sanıtarlyq-epıdemıologııalyq baqylaý komıtetiniń málimetinshe, 16 mamyr kúni Shymkent qalasynda bir naýqas osyndaı kúdikpen aýrýhanaǵa jatqyzylǵan.

Túrkistan oblysy Báıdibek aýdanynyń 46 jastaǵy turǵyny «asqazan-ishek joldarynan qan ketý, ótkir aýyr aǵymy» dıagnozymen oblystyq klınıkalyq aýrýhanaǵa jedel járdem kóligimen jetkizilgen.

Osy kúni naýqas Kongo-Qyrym gemorragııalyq qyzbasy qaýpi dıagnozymen Shymkent qalasynyń juqpaly aýrýlar aýrýhanasyna aýystyryldy.

Búgingi kúnge naýqastyń jalpy jaǵdaıy ıntoksıkatsııa men gemorragııalyq sındromǵa baılanysty aýyr.

Naýqas oqshaýlanyp, Shymkent qalalyq juqpaly aýrýlar aýrýhanasyna jansaqtaý bólimshesine jatqyzyldy.

Naýqaspen qarym-qatynasta bolǵan 15 adam anyqtaldy, onyń ishinde 9 adam - medıtsınalyq qyzmetkerler, barlyǵy medıtsınalyq baqylaýǵa alyndy.

Shymkent qalasy Kongo-Qyrym gemorragııalyq qyzbasy aýrýynyń qolaısyz aımaqtar qataryna jatady. Ótken jyly onyń 2 jaǵdaıy tirkelgen.

Qalada kene shaǵyp medıtsınalyq kómekke qaralǵan 284 adam tirkeldi (2021 jyldyń aǵymdaǵy merziminde – 94 adam), ıaǵnı ótken jyldyń osy merzimimin salystyrǵanda kene shaǵý jaǵdaıy 3 esege ósken.


Basty sózder: Medıtsına, Oqıǵa, Shymkent,
Joǵary qaraı