Aýa raıy
Astana -1 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte ekskavator men jeńil kólik soqtyǵysyp, sábı kóz jumdy

2020 jyldyń 25 qyrkúıek 2020 11:02

ShYMKENT. QazAqparat - Shymkentte jolda ketip bara jatqan ekskavator men jeńil kólik soqtyǵysyp, bir jasqa tolmaǵan náreste mert boldy. Taǵy úsh eresek adam aýyr jaraqattanyp, onyń biri aýrýhanada kóz jumdy, dep habarlaıdy QazAqparat tilshisi.

Jol kólik oqıǵasy keshe kúndizgi 11:00 shamasynda bolǵan. Jibek joly kóshesinde kele jatqan ekskovator burylmaq bolǵanda, oǵan Toıota kóligi soǵysqan. Bul oqıǵa sondaǵy ǵımarattardyń beınekamerasyna túsip qalǵan. Saldarynan jeńil kólik qatty zaqymdanyp, ishindegi úsh adamnyń ekeýi kóz jumdy. Qalǵan eki jolaýshy qazirgi tańda aýrýhanada jatyr.


Osy jáıt boıynsha polıtseıler qylmystyq is qozǵalyp, tergeý amaldary bastalǵanyn habarlady. «Atalǵan jaıt Sotqa deıingi tergep-tekserý biryńǵaı tiziliminde QR QK-niń 345-baby 3 bóligimen (Avtomobıldi, trolleıbýsty, tramvaıdy ne basqa da mehanıkalyq kólik quralyn basqaratyn adamnyń jol júrisi nemese kólik quraldaryn paıdalaný qaǵıdalaryn abaısyzda adam ólimine ákep soqqan is-áreket) tirkeldi. Júrgizýshilerdiń mas kúıin tekserý maqsatynda jáne jol kólik oqıǵasyna qatysty birqatar tıisti saraptamalar taǵaıyndalǵan. Tergeý amaldary jalǵasýda»- dedi polıtsııadan.
Avtor Aınur Aqbaeva
Basty sózder: Vıdeo, Oqıǵa, Shymkent,
Joǵary qaraı