Aýa raıy
Astana -14 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte «Halyq qatysatyn bıýdjet» jobasy bastalady

2020 jyldyń 23 qazan 2020 17:38

NUR-SULTAN. QazAqparat - Memleket basshysynyń tapsyrmasyna sáıkes, Shymkentte aýdan ákimdikteri «Halyq qatysatyn bıýdjet» jobasyn qolǵa alǵan bolatyn, dep habarlaıdy qalalyq ákimdiktiń bakspasóz qyzmeti.

Shymkent qalasynda osy jobanyń bastalýy boıynsha qalalyq Ekonomıka jáne bıýdjettik josparlaý basqarmasynyń basshysy Rahymberdi Múlkemanov baspasóz brıfıngin ótkizdi.

Aýdan ákimdikteri deńgeıinde uıymdastyrylyp jatqan «Halyq qatysatyn bıýdjet» jobasy pılottyq rejımde osyǵan deıin Nur-Sultan jáne Almaty qalalarynda júzege asyrylǵan edi.

Rahymberdi Janysbekulynyń aıtýynsha, jobany Shymkent qalasynda iske asyrý boıynsha is-sharalar jospary bekitilgen. Búginde 4 aýdan ákimdigi tarapynan halyq qatysatyn bıýdjetti ázirleýdiń Erejeleri men Saraptamalyq keńesterdiń quramy bekitildi. Sonymen qatar, jobany iske asyrý úshin open-Shymkent.kz arnaıy ınternet-resýrsy ázirlendi.

– Erteńnen bastap turǵyndardan ótinimder, usynystar qabyldanady. Jalpy jobany júzege asyrýdyń 3 kezeńi bar. Birinshiden, saıt arqyly turǵyndardan usynystar jınaqtalady. ıAǵnı, turǵyndar aýdan ákimi apparaty quzyretine kiretin salalalar boıynsha talap-usynystaryn jiberýine múmkindigi bar. Aýmaqty kógaldandyrý, aıaqjoldardy jaılastyrý, pandýstardy, aryqtardy salý jáne jóndeý, t.b., máseleler boıynsha usyna alady. Jobaǵa aýdanda tirkelgen kez kelgen azamat qatysa alady, – dedi basqarma basshysy.

Jobanyń talaptaryna sáıkes, eki apta ishinde jınaqtalǵan usynystar aýdan ákimdigi tarapynan qurylǵan Saraptamalyq keńeske usynylady. Saraptamalyq keńes jobalar tizbesin iriktep, daýys berý úshin saıtqa ornalastyrady. Daýys berý nátıjeleri boıynsha kóp daýys jınaǵan jobalar 2021 jyly aýdan ákimdigi arqyly júzege asyrylatyn bolady.





Avtor Aınur Aqbaeva
Basty sózder: Ekonomıka, Ákimdik, Shymkent,
Joǵary qaraı