Aýa raıy
Astana 24 °S
Almaty 26 °S
valıýta baǵamy
USD 405.69
EUR 455.51
RUB 5.72
CNY 57.42

Shymkentte HQO qyzmetkeri alaıaqtyq jasady dep aıyptalyp otyr

2019 jyldyń 13 qarasha 2019 13:03

ShYMKENT. QazAqparat - «Azamattarǵa arnalǵan úkimet» memlekettik korporatsııasy Shymkent fılıalynyń quqyqtyq qamtamasyz etý mamany alaıaqtyq jasady dep kúdikke ilindi. Bul jóninde Sybaılas jemqorlyqqa qarsy qyzmetke silteme jasap QazAqparat habarlaıdy.

Shymkent qalasynyń sybaılas jemqorlyqqa qarsy qyzmeti Call-center arqyly kelip túsken habarlama arqyly «Azamattarǵa arnalǵan úkimet» memlekettik korporatsııasy Shymkent fılıalynyń mamany tarapynan jasalǵan alaıaqtyq áreketti anyqtady.

«Ol QR Joǵarǵy Sotynyń kassatsııalyq satysymen daýly jer ýchaskesine qatysty azamattyq is boıynsha oń sheshim qabyldaýyna járdemdesemin dep aldaý arqyly azamattyń 250 myń teńge kóleminde aqshasyn qaltaǵa basqan. Maman osyndaı kúdikke ilindi» delingen habarlamada.

Kúdikti óz kinásin moıyndady jáne qorǵaýshysy ekeýi protsessýaldyq kelisim jasasý týraly ótinish berdi. Osyǵan baılanysty kúdiktige qatysty protsessýaldyq ustaý sharasy qoldanylmady.

Joǵary qaraı