Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte karantındik shekteýler 7 jeltoqsanǵa deıin uzartyldy

2020 jyldyń 20 qarasha 2020 15:47

ShYMKENT. QazAqparat - Shymkent qalasynyń aýmaǵynda karantın jáne shekteý sharalary 7 jeltoqsanǵa deıin uzartyldy, dep habarlaıdy QazAqparat coronavirus2020.kz Telegram-kanalyna silteme jasap.

Shymkenttiń Bas memlekettik sanıtarııalyq dárigeri Ábdimanap Tólebaevtiń jańa qaýlysyna sáıkes:

- Ashyq alańda jumys jasaıtyn qoǵamdyq tamaqtandyrý obektileriniń jáne 50 orynǵa deıin arnalǵan ústelder ornalastyrylǵan úı-jaıdaǵy qoǵamdyq tamaqtaný nysandarynyń (kafe, meıramhanalar, sport-barlar, ashanalar), onyń ishinde saýda, oıyn-saýyq keshenderiniń ishinde ornalasqan nysandardyń qyzmeti jumys, demalys jáne mereke kúnderi saǵat 07:00-den bastap 23:00-ge deıin shekteledi.

- Kelýshilerge qyzmet kórsetpeıtin nysandar ádettegi rejımde jumysyn jalǵastyrady.

- Saltanatty, eske alý is-sharalaryn (banketter, toılar, eske alý, týǵan kúnder, mereıtoılar, shyǵaryp salý, qudalyq, betashar jáne t.b.) ótkizýge tyıym salynady.

- Fýdkorttardyń, banket zaldarynyń jumysyna, qoǵamdyq tamaqtaný obektilerinde kalıan qoldanýǵa tyıym salynady.

- AJB beketteri, AJB beketindegi dúkender, avto qosalqy bólshekter dúkenderi, AVTO-ekspress (tamaqty syrtqa shyǵarý), avtojýý, shınomontajdaý, tigin sheberhanalary, turmystyq tehnıkany jóndeý obektileri, hımııalyq tazalaý, kir jýý, telefondar men kompıýterlerdi jóndeý jumystary qalypty rejımde jumys jasaı beredi.

- 50-den astam otyratyn orny bar qoǵamdyq tamaqtaný obektileri jumys isteı almaıdy. Bul rette jetkizýdi nemese shyǵarý rejıminde jumys isteıtin qoǵamdyq tamaqtandyrý obektileri qalypty rejımde jumys isteıdi.

- Qoǵamdyq kólik jumys kúnderi, mereke jáne demalys kúnderi 7:00-den 23:00-ge deıin júredi. Bul jaǵdaıda jolaýshylar maska kıip, avtobýs tolymdylyǵy baqylaýda bolýy qajet.


Joǵary qaraı